Moskva vilayətində Rusiyanın tanınmış şəxslərinin dəfn olunması üçün yeni qəbiristanlıq salınıb. Modern.az Rusiya KİV-nə istinadən xəbər verir ki, qəbiristanlığın ümumi sahəsi 55 hektardır və 30 il müddətində ölənləri basdırmaq üçün bəs edəcək.
Burada SSRİ və Rusiya qəhrəmanlarına, SSRİ-nin və Rusiyanın prezidentlərinə, ölkənin baş nazirlərinə, nazirlərinə, hərbçilərinə, eləcə də fəxri vətəndaşlara yer tapılacaq. Məsələn, yeni qəbiristanlıqda dəfn olunmağa ən real namizəd Mixail Qorbaçovdur. Təbii ki, o, Novodeviçye qəbiristanlığında həyat yoldaşı Raisa Maksimovnanın yanında dəfn olunmaq istərdi. Ancaq orada SSRİ-nin ilk və son prezidentinə yer yoxdur.
çap et