«Mançester Yunayted»in baş məşqçisi Lui van Qal mövsümün sonunda komandadan gedəcəyi haqda yayılan xəbərlərə münasibət bildirib.
Qol.Az-ın «goal.com»a istinadən verdiyi məlumata görə, hollandiyalı mütəxəssis komandadan getməyəcəyini açıqlayıb:
«Heç vaxt «Mançester Yunayted»dən gedəcəyimi deməmişəm. Hər zaman sona qədər mübarizə aparmışam. Hələ klubla 3 illik müqaviləm var. Komanda qurmaq bir prosesdir və bunun üçün zamana ehtiyacım olacaq. İşimi sonadək görmək istəyirəm. Əgər bunu istəməsəydim 6 ay öncə müqavilə imzalamazdım. Hər zaman müqavilə imzalamazdan öncə klub rəhbərləri ilə uzun söhbətim olur. Bu, «Bavariya» və «Barselona»da da təkrarlanıb. Ona görə də düşünürəm ki, rəhbərlik də məni dəstəkləyir».
çap et