Vaxt.Az

ABŞ-dan Pakistana 1,6 milyard dollar


 

Birləşmiş Ştatların bu addım iki ölkə arasında münasibətlərin istiləşməsi ilə əlaqədardır

ABŞ-dan Pakistana 1,6 milyard dollar Amerika Birləşmiş Ştatları Pakistana 1,6 milyard dollardan çox hərbi və iqtisadi yardım ayırmağı planlaşdırır. Bu barədə «Associated Press» agentliyi xəbər verir. Məlumata görə, ABŞ-ın Pakistana yardımının həcminin artırılması iki ölkə arasında münasibətlərin yaxşılaşması ilə əlaqədardır.
ABŞ-Pakistan münasibətləri Birləşmiş Ştatların Pakistan ərazisində keçirdiyi anti-terror əməliyyatları zamanı pakistanlı əsgərlərin həlak olması və amerikalı xüsusi təyinatlılar tərəfindən Pakistanda yerli hakimiyyətlə razılaşdırmadan «Əl-Qaidə» lideri Usama bin Ladenin zərərsizləşdirilməsi ilə əlaqədar pisləşmişdi. Nəticədə ABŞ Pakistanda həyata keçirilən bir sıra yardım proqramlarına maliyyə dəstəyini dayandırmışdı.
Oktyabrın 23-ü isə Ağ Evdə ABŞ prezidenti Barak Obama ilə Pakistanın baş naziri Nəvaz Şərifin görüşü gözlənilir.
 




20.10.2013    çap et  çap et