Bakı Metropoliteninin «Cəfər Cabbarlı» stansiyasının birinci yolu bağlanacaq.
Bu barədə «Bakı Metropoliteni» Qapalı Səhmdar Cəmiyyətinin (QSC) mətbuat xidmətinin rəhbəri Nəsimi Paşayev məlumat verib. Məlumatda deyilir:
«Hörmətli sərnişinlər!
07 dekabr 2016-cı il tarixindən etibarən «Cəfər Cabbarlı» stansiyasının 1-ci yolu təmir-bərpa işlərinin aparılması ilə əlaqədar qısamüddətli bağlanacaq. Təmir-bərpa işlərinin təxminən 2 həftə davam etməsi planlaşdırılır. «Xətai» stansiyasına gedəcək sərnişinlər «Cəfər Cabbarlı» stansiyasının ikinci yolundan istifadə edə bilərlər.
«Bakı Metropoliteni» QSC yaranacaq narahatlığa görə sərnişinlərdən üzr istəyir!
Qeyd: 2-ci yol «28 May» stansiyasından «Cəfər Cabbarlı» stansiyasına keçərkən soldakı yoldur. Həmçinin «Cəfər Cabbarlı» stansiyasının eskalatorundan endikdən sonrakı sol istiqamət də 2-ci yola aparır».
çap et