Neftin qiyməti şənbə günü Vyanada OPEK-ə üzv və qeyri-üzv neft hasilatçısı ölkələrinin görüşü öncəsi artmaqda davam edir. Modern.az saytı xəbər verir ki, «Report» xəbər verir ki, Londonun «ICE Futures» birjasında keçirilən hərrac zamanı «Brent» markalı neftin fevral fyuçersləri 0,56 faiz artaraq bir barelə görə 54,2 dollara çatıb.Nyu-Yorkun NYMEX əmtəə birjasında «WTI» markalı neftin yanvar fyuçersləri 1,28 faiz artaraq bir barel üçün 51,49 dollar təşkil edib.
«Westbeck Capital Management» analitiklərinin rəyinə görə, OPEK-in hasilatın məhdudlaşdırılması barədə razılaşması sayəsində 2017-ci ildə neftin qiyməti bir barelə görə arada 50 dolları ötməklə 55-65 dollar arası dəyişəcək.
Şənbə günü keçiriləcək Vyana görüşündə dəvət olunan 14 ölkədən Azərbaycan da daxil olmaqla 9 dövlət, o cümlədən Rusiya, Qazaxıstan, Meksika və Oman iştirak edəcəyini təsdiqləyib.
çap et