Suriyada Bəşər Əsədə sadiq qüvvələrin Palmira şəhərindən qaçarkən İŞİD-ə böyük sayda silah və hərbi texnika qoyublar.Virtualaz.org xəbər verir ki, «Əl-Cəzirə» kanalı İŞİD yaraqlılarının Palmirada Əsəd qüvvələrindən geriyə qalan 30 tankı, 6 122-millimetrlik qaubtsanı, bir neçə artilleriya qurğuşunu və çoxlu sayda «Qrad» raketlərini ələ keçirdiyini bildirir. Habelə Rusiyanın Suriya ordusuna verdiyi yeni «Vıstrel» BMP-si də İŞİD-in əlinə keçib. Terror qruplaşması artıq Palmirada ələ keçirdikləri mövqelərdən ilk videokadrları yayıblar. Son məlumatlara görə İŞİD Palmiradan qərb istiqamətdə yeni hücuma keçib və Əsəd qüvvələrini sıxışdırmaqda davam edir.
Rusiya prezidenti Vladimir Putinin mətbuat katibi Dmitri Peskov isə Palmiranın itirilməsini Kremlin imicinə zərbə kimi qəbul etməkdən imtina edib. Peskov deyib ki, əvvəla Palmira Rusiyanın yox, Suriyanın şəhəridir. İkincisi bu şəhərin itirilməsinə görə məsuliyyət bütün beynəlxalq birliyin üzərinə düşür.
çap et