Pendirli və kartoflu balıq kotleti

Balıq filesini, pendiri, yaşıl soğanı xırda-xırda doğrayırıq. Dondurulmuş yaşıl noxudu süzgəcə tökürük, üzərinə isə isti su əlavə edirik. Qurumağını gözləyirik. Kartofun qabığını soyub sürtgəcin iri gözündən keçiririk. Daha sonra bir tənzif götürürük, kartofu o tənzifin içinə töküb torba kimi bükürük və başlayırıq sıxmağa bu zaman kartofun suyu çıxacaq. Daha sonra balıq filesini, pendiri, göy soğanı, kartofu, yumurtanı, unu, yaşıl noxudu, duzu və istiotu qarışdırırıq. 

Sobanı 200 dərəcə isidirik. Perqament kağızının üzərinə kotletləri yerləşdiririk. 30-35 dəqiqədə hazır olur. Kotletlər təzə-yaşıl salatla süfrəyə verilir.