Bu yazını oxuyun ki, sonra peşman olmayasınız

İlk olaraq əlinizə bir kağız və qələm alın, ağılınıza gələn adları yazın. Ailənizdən başlamanız sizin üçün daha yaxşı olacaq. Daha sonra da dostlarınız və ailənizin dostlarına keçə bilərsiniz. Eyni əməliyyatı kürəkən namizədinin də etməsini istəyin.

Qonaq siyahısını hazırlayarkən mütləq ailə böyüklərindən, ananızdan ya da atanızdan da kömək istəyin. Məsələn: siz öz dostlarınızı yazarkən onların da bir siyahı tutmalarını istəyə bilərsiniz. Beləliklə heç kimi yaddan çıxarmamış olarsınız.

Toy mərasiminizin nə şəkildə olacağı da qonaq siyahısında əhəmiyyət daşıyır. Əgər möhtəşəm bir toy olacaqsa ,yəni çox adamı çağıracaqsınızsa problem yaranmaz, lakin sadə ailə arasında bir mərasim düşünürsünüzsə bu halda diqqətli olmalısınız. Bu cür vəziyyətlərdə bəzən problemlər, incikliklər yaşana bilir. Ən yaxınlarınızda başqa çox adamı çağırmaya bilərsiniz. Eyni zamanda uşaqların gətirilməməsini dəvətnamənizin bir küncünə yaza bilərsiniz.

Qonaq siyahısını ən az 3 ay əvvəldən hazırlamalısınız.

Toydan 2 ay əvvəl dəvətnamə modelini və sayını təyin etməlisiniz.

Dəvətnaməyə bir telefon nömrəsi də əlavə edərək, dəvət etdiyiniz insanların gəlib-gəlməyəcəklərini sizə bildirə bilmələrini təmin etməlisiniz.

Şəhər xaricindəki qonaqlara dəvətnamələrini daha əvvəl göndərməlisiniz.

Dəvətnamə sayını təyin edərkən son anda ola biləcək çatışmazlıqlara qarşı bir az daha çox hazırlıqlı olmalısınız.