Ermənistan Azərbaycanla silahlanma yarışına girişməməlidir, Azərbaycan tərəfinin aldığı və əsasən hücum üçün nəzərdə tutulan silahları əldə etməməlidir.Virtualaz.org bildirir ki, Ermənistan prezidenti Serj Sərkisyan bunu iki gün əvvəl etdiyi çıxışında deyib.
«Bizdə hücum hərəkətlərinin hədəfləri yoxdur və əgər onlar təyyarələr əldə edirlərsə, biz Hava Hücumundan Müdafiə vasitələri, əgər tanklar əldə edirlərsə, onda biz tank əleyhinə vasitələr əldə etməliyik. Amma bu o demək deyil ki, biz təyyarələr və ya tanklar əldə etməməliyik», - S.Sərkisyan vurğulayıb.
Ermənistan prezidenti həmçinin bildirib ki, bütün ön xətt video-müşahidə vasitələri və gecə görmə cihazları ilə təchiz edilib: «Elə post yoxdur ki, orada gecə görmə cihazları olmasın. Bundan başqa, bizim bütün ön xəttimiz video-müşahidə qurğuları ilə təchiz olunub».
çap et