ABŞ Mərkəzi Kəşfiyyat İdarəsinin məxfilikdən çıxararaq yaydığı hesabatlarda erməni terror təşkilatı ASALA-ya dəstək verən ölkələrin adlarını açıqlanıb.İstipress xəbər verir ki, 1987-ci il iyulun 1-də ABŞ-ın terror mübarizə qurumlarının keçirilən toplantısında dönəmin MKİ rəhbərinin müavini Robert Qeytsə təqdim olunan «Terrorla mübarizədə xəbərdarlıq və təxminlər» adlı hesabatda mühüm məlumatlara yer verilib.
Hesabatda qeyd olunur ki, Suriya və Yunanıstan başda PKK və ASALA olmaqla bir neçə terror təşkilatına yaxından dəstək verir və əlaqələr qurur.
Yunanıstanın 1980-ci illərdə baş naziri olan Andreas Papandreu və lideri olduğu Panhelenik Sosialist Hərəkat Partiyası hökumətinin erməni terror təşkilatı ASALA-ya dəstək verdiyi vurğulanan hesabatda qeyd olunur ki, ASALA-nın Yunanıstanın paytaxtı Afinada ofisləri var və gizli fəaliyyət göstərir.
«Yunanıstanda PKK, Hizbullah, Əbu Nidal qruplaşması (ANO) və ASALA fəaliyyət göstərir. Yunan hökuməti onların qarşısını almaq üçün heç bir iş görmür. Bu qruplaşmalara yönəlik «toxunulmazlıq» statusu hökm sürür. ASALA-nın Afinada gizli varlığı barədə məlumatlar var», - deyə MKİ-nin hesabatında qeyd olunur.
çap et