Vaxt.Az

Alman kəşfiyyatı ABŞ-a yollanır


 

Berlin Merkelin mobil telefonunun izlənilməsi məsələsini Ağ ev və Milli Təhlükəsizlik Agentliyi ilə müzakirə edəcək

Alman kəşfiyyatı ABŞ-a yollanır Casusluqla bağlı iddiaları, o cümlədə Almaniya kansleri Angela Merkelin mobil telefonunun ABŞ xüsusi xidmət orqanları tərəfindən izlənilməsi ilə bağlı dolanan məlumatları Ağ ev və Milli Təhlükəsizlik Agentliyi ilə müzakirə etmək üçün, almaniyalı rəsmilərdən ibarət qrup Amerika Birləşmiş Ştatlarına yollanacaq.
Almaniya hökümətinin sözçüsü Qeorq Strayter bildirib ki, Almaniyanın xarici və daxili kəşfiyyat orqanları aparılan danışıqlarda iştirak edəcək. Səfərin tarixi barədə məlumat verilməsə də, strayter bunun ən qısa vaxt ərzində keçiriləcəyini deyib. 
Ölkə liderlərinin telefonlarının izlənilməzi xəbəri, Almaniya prezidenti Yoahim Qauku da narahat edib. Berlindəki iqamətgahında mətbuata verdiyi açıqlamada Qauk amerikalı həmkarı Barak Obamadan bu iddiaların doğru və ya yalan olduğuna aydınlıq gətirməyi gözlədiyini deyib.
 




25.10.2013    çap et  çap et