«İqtidar çalışmalıdır ki...»

Səsvermədən sonra jurnalistlərə açıqlama verən Q.Həsənquliyev bildirib ki, Azərbaycanın beynəlxalq aləmdə insan hüquqlarına hörmət edilən bir ölkə kimi tanınması üçün seçkilər beynəlxalq standartlara uyğun keçirilməlidir:

«Bu gün Azərbaycan Respublikasında baş tutan seçkilər elə keçirilməlidir, heç kim seçkilərin legitimliyini şübhə altına ala bilməsin. Ona görə ki, Azərbaycan xalqının Qarabağ kimi problemi var və bizim ölkənin beynəlxalq aləmdə imici çox yüksək olmalıdır. Qanunların aliliyinə, insan hüquqlarının hörmət edilən bir ölkə kimi beynəlxalq aləmdə tanınmalıdır. Bu baxımdan düşünürəm ki, iqtidar da Azərbaycan xalqı qarşısında öz məsuliyyətini başa düşür. İqtidar da çalışmalıdır ki, bu seçkilər beynəlxalq standartlara uyğun keçirilsin. Hər halda mən buna çox ümid edirəm. Günün sonunu gözləyək» - deyə, BAXCP sədri qeyd edib.