Kreml bildirib ki, Vaşinqtonun Moskvaya gələcək münasibətinin «işarətlərini səbirsizliklə gözləyir.Rusiya prezidenti Vladimir Putinin sözçüsü Dmitri Peskovun jurnalistlərə dediyinə görə Kreml prezident Trampdan müxtəlif bəyanatlar eşidib. O deyib: «Biz səbirlə doluyuq və bu bəyanatlardan qaynaqlanan müəyyən addımlar gözləyirik ki, ikitərəfli münasibətlərimizin perspektivlərini başa düşək».
Peskovun bu qeydləri Tramp-ın Konqres qarşısındakı çıxışından sonraya təsadüf edib. Tramp bu çıxışında «Rusiya» adını çəkməyib. Lakin Trampın seçki kampaniyası ərzində Moskva ilə daha yaxşı münasibətlərə can atacağına dair vədi Konqres qarşısındakı çıxışında ola bilsin belə bir bəyanatında ifadə olunub: «Amerika ortaq maraqlar uyğun gələn yerdə yeni dostlar tapacağına və yeni partnyorluqlar quracağına ümid edir».
Peskov deyib ki, Kreml Trampın bu çıxışda konkret olaraq Rusiyanın adını çəkməməsindən təəcüblənməyib. Çünki ABŞ prezidenti Amerika məsələləri, Rusiya prezidenti Rusiya məsələləri ilə məşğuldur.
çap et