İran parlamentinin milli təhlükəsizlik komissiyasının üzvü Heşmətullah Fəlahətpişə, martın 1-də jurnalistlərə açıqlamasında Rusiyadan alacaqları yeni qırıcı təyyarələrdən və bu barədə Moskva ilə aparılan müzakirələrdən danışıb.Fəlahətpişə bildirib ki, son illər İranla Rusiyanın hərbi zəmində əməkdaşlığı xeyli genişlənib və İran bu ölkədən hərbi texnika və avadanlıq idxalı sahəsində böyük addımlar atıb: «Məndə olan məlumatlara görə, Rusiyanın «Su-30 SM» tipli qırıcı təyyarələrinin alınması ilə bağlı Moskva ilə aparılan danışıqlar başa çatıb və biz yaxın günlərdə həmin qırıcılardan bir neçəsinin ölkəyə təhvil verilməsinin şahidi olacağıq.
İndiki dövrdə ölkəmizə qarşı olan müxtəlif təhdidləri nəzərə alaraq, bizim ən inkişaf etmiş müdafiə təchizatına yiyələnməyimiz mühüm və zəruri məsələlərdən biridir. Elə buna görə də hesab edirəm ki, bu qırıcıların ölkəyə gətirilməsi müdafiə sənayemizin inkişafına və onun gücləndirilməsinə böyük yardım edəcək».
çap et