Ermənistan sərhəddi minalardan təmizlənəcək

Bu barədə «Türkiye» qəzeti məlumat yayıb. Qəzet yazıb ki, hökumət Ermənistanla sərhədi açmağa hazırlaşır və mina təmizliyi də bu hazırlıqla əlaqədardır. Layihəyə Avropa Birliyindən (AB) maddi dəstək almağı planlaşdıran Ankara 11,6 milyon kvadratmetr minalanmış sahənin 4 milyonunu minalardan təmizləməyi planlaşdırır. Bunun üçün 52,4 milyon avro tələb olunur. Bu məbləğin 75%-ni AB, 25%-ni isə Türkiyə Müdafiə Nazirliyi verəcək. Layihə çərçivəsində sərhəd zastavalarını yeni texnika ilə təchiz etmək də nəzərdə tutulub.