Türkiyənin Zonquldak əyalətində idarə etdiyi yük maşınında gizli silah və hərbi sursat daşıyan bir İran vətəndaşı tutulub.«Anadolu» agentliyinin yaydığı məlumata əsasən, Zonquldak əyaləti gömrüyünün qaçaqmalçılığa qarşı mübarizə bölməsinin əməkdaşları, Ukraynanın «Ro-Ro» yük gəmisi ilə Zonquldak limanına gətirilən və İrana aparılması nəzərdə tutulan yük maşınında axtarış aparıblar. Axtarış nəticəsində yük maşınının müxtəlif yerlərində gizli şəkildə yerləşdirilən 2 ədəd hərbi durbin və TƏİR qurğusu aşkarlanaraq götürülüb.
Adı mediaya açıqlanmayan 38 yaşlı İran vətəndaşı polis tərəfindən həbs edilib. Hadisənin araşdırıldığı bildirilir.
çap et