ARB TV-nin «Günə doğru» verilişində sulu qəlyana qadağa qoyulması haqda maraqlı süjet yayımlanıb.
Sulu qəlyan həmçinin insanda siqaretə, eləcə də narkotik vasitələrə asılılıq yaratdığı da iddia olunur. Bəs qəlyandan yoluxucu xəstəliklərin keçməsi halları necə baş verir? Sulu qəlyan düzəltməklə məşğul olan Ramin Niftəliyev bildirir ki, bu birbaşa səhlənkarlıqdan irəli gəlir: «Xəstəlik ən çox mədəyə düşür. Burada borunun rolu da böyükdür. Onlar tez-tez dəyişilməlidir».
Bəzi məkanlarda müştərilərə birdəfəlik müştük verilsə də digər gigiyenik məqamlara diqqət yetirilmir və müxtəlif xəstəliklərə yoluxma riski artır.
Sulu qəlyandan xəstəliklərə yoluxma halları ən çox borular vasitəsi ilə reallaşır. Bəzi sahibkarla qəlyanın suyun və müştükləri yeniləsə də daha çox gəlir əldə etmək üçün boruları yeniləmir. Nəzərinizə çatdırım ki, birdəfəlik borunun qiyməti 1 manat 50 qəpikdir.
Mütəxəssislər bildirir ki, qəlyan müştərilərə sadalanan şərtlərə əməl edilməklə təqdim edilsə, infeksiyaya yoluxma hallarının qarşısını almaq olar.
Əlniyaz Ramazanov (həkim): «Müştük hər adam üçün ayrı olmalıdır. Bəziləri əlavə xərc etməmək üçün səhlənkarlıq edərək müştüyü spirtlə təmizləyir. Və başqa bir müştəriyə verirlər. Belə olmaz, ziyandır».
İstifadəçilər qəlyanın insan səhhətinə zərəri ilə bağlı müxtəlif fikirdədir. 3 ildir sulu qəlyandan istifadə edən Aqil Həsənov bildirir ki, o bu günə qədər xoşagəlməz hallarla qarşılaşmayıb. Çünki xidmət zamanı bəzi məqamlara diqqətlə yanaşır.
Mütəxəssislər bildirir ki, sulu qəlyanın insana səhhətinə birmənalı olaraq mənfi təsir edir. Bu vasitənin «Ağ ciyərlərin təmizlənməsinə koməyi var» kimi fikirlər yanlışdır. Sadalanan məqamlara diqqət etməklə yalnız yoluxucu xəstəliklərin qarşısını almaq mümkündür. Sudan keçərək insan bədəninə daxil olan buxar qarışıq tüstünün yuxarı tənəffüs orqanlarına mənfi təsiri qaçılmazdır.
Əlniyaz Ramazanov (həkim): «Tüstü suyun içərisindən keçərək orqanizmə daxil olur. Tütündən əmələ gəlmiş qətranlar suda həll olmur. İri hissəciklər suda qalır. Adi qəlyanla sulu qəlyan ziyanlıdır. Fərqləri yoxdur».
Sadalanan səbəblərdən milli məclisdə «Tütünlə mübarizəyə dair Azərbaycan qanunvericiliyinin gücləndirilməsi» mövzusunda keçirilən dəyirmi masada layihənin birinci oxunuşunda tütünün qadağan olunduğu yerlərdə sulu qəlyanın da qadağan olunması barədə səslənən təkliflər nəzərə alınıb və bununla bağlı qanun layihəsinin 1-ci maddəsində dəyişiklik edilib.
çap et