«Kimsə meşələrimizi yandırır»
Daxili işlər naziri: «Onların hamısı müəmmalı şəkildə, qəfildən başlayıb»
MÖVZU İLƏ ƏLAQƏLİ
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Rusiya ordusunda kritik dəyişiklik
Hərbi Dəniz Qüvvələrinə və Qara Dəniz Donanmasına iki təyinat
-
Tanekoya PUA zərbələri
Ukrayna Rusiyanın əsas neft emalı zavodunu vurdu
-
Rusiyaya PUA hücumu
“Shaded-136”lar istehsal olunan zavodda partlayış baş verib
-
150 minlik ordu
Rusiyada növbəti səfərbərlik üçün yaş həddi artırıldı
-
“Qətliam olacaq”
“85 il əvvəl 200 min rus əsgərini öldürmüşdük”
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
-
Ukraynaya 1,5 tonluq bomba atıldı
SSRİ zamanı istehsal Termobarik raket döyüşdə ilk dəfə istifadə olunur
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
Gürcüstanın Borjomi kurort bölgəsində günlərlə davam edən meşə yanğınlarının Azərbaycanın da yaxından köməyi ilə söndürülməsindən dərhal sonra daha bir kurort bölgəsində - Samtso-Cavaxetinin Abastumani kurortunda güclü meşə yanğınları başlayıb.
Xəbər verildiyi kimi Gürcüstanı təzəcə tərk etmiş Azərbaycan yanğınsöndürənlərinin bir qrupu prezident İlham Əliyevin göstərişi ilə yenidən geri qayıtmalı olub. Fövqəladə Hallar Nazirliyi (FHN) Abastumani meşələrinin söndürülməsi üçün iki vertolyot və onlarla yanğınsöndürən göndərib. Habelə Ukrayna köməyə təyyarə, İran iki vertolyot yola salıb.
Gürcüstan KİV-ləri qeyd edir ki, bu, son yeddi gün ərzində Samtse-Cavaxeti bölgəsində baş vermiş beşinci meşə yanğınıdır. Və bu yanğınların heç birinin səbəbini dəqiqləşdirmək mümkün olmayıb. Onların hamısı müəmmalı şəkildə, qəfildən başlayıb. Daxili işlər naziri Georgi Mqrebrişvili jurnalistlərə bildirib ki, yanğınların səbəbləri məlum deyil, lakin onun şəxsi fikrinə görə bunlar qəsdən törədilir.
«İstintaq bütün versiyalar üzərində işləyir. Əgər sizi mənim subyektiv mövqeyim maraqlandırırsa o zaman düşünürəm ki, yanğını qəsdən törədə bilərdilər. Digər amillər də ola bilər. İstintaq davam edir və bütün versiyalar araşdırılır», - nazir deyib.
Abastumani sakinləri isə deyirlər ki, yanğınların başladığı yer keçilməz meşə massividir və orada yanğının öz-özünə başlaması sadəcə olaraq mümkün deyildi. «Yanğın yerinə yaxınlaşmaq çox mürəkkəbdir, yol yoxdur. Biz ağlımıza da gətirə bilmirik ki, orada necə yanğın olub. Heç güclü istilər də yoxdur ki, onun təsirindən nəyinsə alışdığını deyəsən, havalar sərin keçir. Kimsə meşələrimizi yandırır», - yerli sakinlər deyirlər.
Politoloq Tornike Şaraşenidze də hesab edir ki, dalbadal baş verən meşə yanğınları təsadüf ola bilməz. «Hər dəfə yeni yanğından sonra bunun diversiya olmadığına inanmaq daha da çətinləşir. Mən bu qədər yanğın xatırlamıram, heç kim xatırlamır. Əgər bu diversiyadırsa o zaman bir mərkəzdən idarə olunur. Və burada sual meydana çıxır: bunda kim maraqlıdır? Məntiqlidir ki, bu məsələdə maraqlı olan bir varsa o da Moskvadır», - politoloq deyir.