Fars-molla rejiminin xain planı
Mühacir kürdlər və hakimiyyət Qərbi Azərbaycanda vali postu ilə bağlı iş birliyinə gedir
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
Qərbi Azərbaycanın vali postuna kimin gətiriləcəyi yenə də yerli əhalinin aktual məsələlərindən birinə çevrilib. Məlumata görə, radikal kürd qruplaşmaları və Azərbaycanda yaşayan mühacir kürdlərə yaxınlığı ilə seçilən Salmasın İran parlamentindəki millət vəkili Şəhruz Bərzgər Qərbi Azərbaycan sakini olmayan kürd kökənli Fridun Hümmətinin əyalətə vali təyin edilməsini dəstəkləyir.
Min bir hiylə ilə Salmasın millət vəkili seçilən Ş.Bərzgər seçkiqabağı təbliğat-təşviqat dönəmində «Kürdistan əgər abadlaşarsa, gizli cənnətdir» seçki şüarından istifadə etmişdir. Bu şəkildə Salması Kürdistan kimi təqdim edən Ş.Bərzgər seçkilərin ikinci mərhələsində ictimaiyyəti aldatmaq məqsədi ilə «Oyaq elim, dayağımdır» şüarı ilə seçkilərə qatılmışdır. Onu yaxından tanıyanlardan biri GünAz TV-yə bildirib ki, «Ş.Bərzgərin həyat yoldaşı Yəzd şəhərindəndir, onun özü də Yəzd sakinidir və uşaqları fars dilində danışır. Onun Salmas şəhəri, yerli əhali və onların problemləri ilə bağlı heç bir anlayışı yoxdur».
Məlumata görə, Ş.Bərzgər Azərbaycan türk millətinin demokratik və milli hüquqlarını müdafiə edən Keçmiş Salmas Şəhər İcra Hakimiyyəti başçısı Məsud Hacı Əlilu vəzifəsindən uzaqlaşdırıldıqdan sonra kürd cərəyanının xeyrinə olan fəaliyyətini daha da genişləndirib.
Əldə etdiyimiz informasiyaya əsasən, Qərbi Azərbaycan Əyalətinin 12 millət vəkilindən 9-u F.Hümmətinin Qərbi Azərbaycana vali təyin edilməsinə qarşı çıxır. Ona Ş.Bərzgər də daxil olmaqla kürdlərdən ibarət olan yalnız 3 millət vəkili dəstək verir.
Mövzu ilə bağlı Urmiyanın millət vəkili Ruhulla Həzrətpur İnstagram səhifəsində Daxili İşlər naziri ilə əlaqə saxladığını, F.Hümmətinin Qərbi Azərbaycana vali təyin edilməsinə qarşı olduğunu yazıb. O bildirib ki, bu təyinat düzgün deyil, Qurbanəli Səadətin öz postunda qalması daha çox məqsədə uyğundur.
Urmiyanın digər millət vəkili Nadir Qazipur isə qeyd edib ki, «mən bir çox səlahiyyətli şəxslər, o cümlədən Daxili İşlər Nazirliyi və Prezident Administrasiyasında olanlara sözügedən təyinatın ağır nəticələri ilə bağlı xəbərdarlıq etmişəm. Mən də daxil olmaqla Azərbaycan əhalisi belə bir qərarla razılaşa bilməz. Azərbaycanın Bakirilər kimi aslan övladları var, bizim yerli olmayan şəxslərə ehtiyacımız yoxdur».
Urmiyanın millət vəkili Hadi Bahaduri də həmkarları ilə eyni mövqeyi paylaşır. «Mən heç bir iclasda iştirak etməmişəm, F.Hümmətinin vali təyin edilməsinə qarşıyam», - deyə o bildirib.
Qeyd edək ki, İran rejimi və terrorçu kürd qruplaşmaları Qərbi Azərbaycanı tədricən kürdləşdirməklə bölgənin demoqrafik tərkibini dəyişdirməyə çalışırlar. Bu cəhətdən rejimin planından xəbərdar olan Azərbaycan türkləri bölgədə keçirilən seçkilər və önəmli postlara təyinatla bağlı xüsusi həssaslıq göstərir. Kürd kökənli F.Hümmətinin Qərbi Azərbaycana vali təyin etməklə bağlı cəhdlər bölgənin kürdləşdirilməsi prosesinə hesablanıb.