ABŞ Hizbullah liderlərini hədəf alır
Terroçular qlobal qüdrət əldə etməyə çalışır
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
İranda timsah həyəcanı
Sel nəticəsində 8 nəfərin ölümü təsdiqlənib
-
“Haşdi Şabi”ni kim vurub?
Partlayış səsləri bu dəfə İraqdan gəldi
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
İsrail Livanla savaşa hazırlaşır?
Müdafiə naziri daha bir müharibənin anonsunu verib
Amerika Birləşmiş Ştatları Hizbullaha qarşı təzyiqi gücləndirmək üçün səylərini artırır. Bu günlərdə Vaşinqton İranın himayə etdiyi terror qruplaşmasının yüksək rütbəli rəsmilərindən ikisinin həbsinə gətirib çıxaracaq məlumat üçün milyonlarla dollar təklif edib.
Çərşənbə axşamı Dövlət Departamenti Hizbullahın Xarici Təhlükəsizlik Təşkilatına başçılıq etdiyi Təlal Həmiya ilə bağlı hər hansı məlumat üçün 7 milyon dollar, 1983-cü ildə ABŞ Donanmasının Beyrutdakı sığınacaqlarının bombalanmasına yardım etmiş yüksək rütbəli əməliyyatçı Fuad Şükürlə bağlı məlumat üçünsə 5 milyon dollar dəyərində mükafat irəli sürüb.
«Qrup bu cür terror aktları törədə bilmək üçün qlobal miqyasda qüdrət əldə etməyə çalışır», Terrora Qarşı Milli Mübarizə Mərkəzinin direktoru Nikolas Rasmussen bildirib. O, heç bir təhlükənin qaçılmaz olmadığını və Hizbullahın aktiv şəkildə ABŞ-ı hədəf almağa çalışdığını deyib.
ABŞ kəşfiyyatı uzun zamandır Livanda fəaliyyət göstərən Hizbullahı İranın terror fəaliyyətlərindəki əsas tərəfdaşı olaraq görürdü. Rəsmilər deyir ki, Hizbullah əməliyyatçıları bütün dünyada aktivdir və 2012-ci ildə Bolqarıstanda ölümcül hücum törədib, bundan əlavə, Azərbaycan, Misir, Kipr, Tailand və Peruda da sui-qəsdlər planlaşdırıb.
Terror əleyhinə mübarizə idarəsinin rəsmiləri Hizbullahın inkişaf etmiş raket arsenalını genişləndirməsindən, eyni zamanda özünün silah istehsal edən zavodlar tikməsindən narahatdır.
ABŞ-ın terror qarşı mübarizə aparan əməliyyatçıları Küveyt və Nigeriyada Hizbullaha məxsus silah önlükləri aşkar edib.
Hizbullaha qarşı ən son addım olaraq ABŞ prezidenti Donald Tramp terror qrupun əsas sponsor İranın 2015-ci ildə əldə olunan nüvə razılığına əməl edib-etmədiyini açıqlayacaq.
Ötən həftə Tramp İranın razılığa əməl etmədiyini düşündüyünü və nüvə razılığını ləğv edə biləcəyini deyib.
Lakin bunun İranın Hizbullahdan istifadəsinə necə təsir göstərəcəyi aydın deyil. Terror əleyhinə mübarizə aparan yüksək səviyyəli rəsmilər razılıqla Hizbullahın fəaliyyəti arasında birbaşa əlaqə görmədiklərini deyir.
Lakin ABŞ ordusunun rəsmiləri nüvə razılığı nəticəsində açılan 50-150 milyard dollar dondurulmuş aktivlərin İranın dəstəklədiyi qüvvələrə, xüsusilə də Hizbullaha axdığından narahatdır.
ABŞ-ın Hizbullah əleyhinə səylərini çətinləşdirən bir başqa məsələ də bəzi ölkələrin təşkilatı həm terror qrupu həm də siyasi partiya olaraq görmələridir. Livanda isə Hibullahın bəzi üzvləri parlament üzvü və nazir olaraq fəaliyyət göstərir.
Lakin çərşənbə axşamı Dövlət Departamentinin terrora qarşı koordinatoru Neyten Seyls deyib ki, Hizbullaha qarşı mübarizə aparmaq Tramp admnistrasiyasının əsas prioritetidir.
«Hizbullahın heç bir siyası qolu yoxdur. O, vahid təşkilatdır, terror təşkilatıdır», Seyls deyib.
Seyls həmçinin bildirib ki, Livan Hizbullahı terror təşkilatı olaraq tanımalı olsa da, ABŞ Livan hökuməti və ordusu ilə işləməyə davam edəcək.
Seyls Livanın silahlı qüvvələrini «Livan sərhədini terror təhlükələrindən qorumaq üçün effektiv tərəfdaş» adlandırıb.
Lakin çərşənbə axşamı yüksək vəzifəli İsrail rəsmisi Livanın silahlı qüvvələrinin Hizbullah liderlərinin təsirinə məruz qaldıqları ilə bağlı narahatlığını ifadə edib.
«Livan ordusu müstəqilliyini itirib və Hizbullah aparatının ayrılmaz bir hissəsinə çevrilib», deyə İsrailin müdafiə naziri Aviqdor Liberman bildirib.