Zərrab həbsxanaya qadın və narkotik sifariş etdi
Ebru Gündəş boşanma iddiası qaldırdı
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“S-400”ə qarşı “Brahmos”
Yunanlar tüfəngin qarşısını sapandla almaq istəyir
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
İrana qarşı sanksiyaları pozaraq bu ölkəyə aid pulları Türkiyə üzərindən «yumaqda» ittiham olunaraq ABŞ-da həbs edilən İran azərbaycanlısı, vaxtilə Bakıda yaşamış qızıl taciri Rza Zərrabın işi üzrə dünənki məhkəmə prosesi qalmaqalla başlayıb. Virtualaz.org Türkiyə və ABŞ mənbələrinə istinadən xəbər verir ki, Nyu-York Manhetten dairə məhkəməsində keçirilən prosesdə prokuror müavini David Denton Rza Zərrabın prosessual statusunun dəyişdiyi, təqsirləndirilən şəxs statusundan şahid statusuna keçirildiyini açıqlayıb.
Prokuror bildirib ki, Rza Zərrab günahını etiraf edib və istintaqla əməkdaşlığa razılıq verib. O, Rza Zərrabın ifadəsini də məhkəməyə təqdim edib. Zərrab ifadəsində iş üzrə ikinci şübhəli, Türkiyənin dövlət bankı «Halkbank»ın idarə heyətinin rəhbərinin müavini Mehmet Hakan Atillanın barəsində bildiklərini açıqlamağa razı olduğunu göstərir. Prokuror Rza Zərrabın təqdim etdiyi dəlillərin Hakan Atillanın «yalanlarını və gizli işlərini» açıb ortaya qoyacağını bildirib.
Lakin Hakan Atillanın vəkili Viktor Rokko məhkəmədə bildirib ki, onun müdafiə etdiyi şəxs Rza Zərrabın qurduğu sxemin qurbanlarından biridir. Vəkil Türkiyədə ayaqqabı qutuları ilə dolu pulları «səlahiyyətli şəxslərə» Hakan Atillanın deyil, Rza Zərrabın göndərdiyini bildirib. «Müttəhimlər kürsüsündə oturmalı olduğu halda Rza Zərrab az cəza alma və ya ümumiyyətlə cəzasız qalma ümidiylə prokurorluqla anlaşıb. Prokurorluq Zərrabın kürəyini sığallayır», - vəkil deyib.
Rokko Rza Zərrabın həbsdən çıxmaq üçün Hakan Atillanı «çıxış kartı» kimi istifadə etdiyini deyib. Vəkilinin sözlərinə görə, Zərrab İranın pullarını «yumaqdan» milyardlarla dollar qazanıb və Türkiyə siyasətçilərinə də on milyonlarla dollar rüşvət verərək qurduğu sxemin işləməsini təmin edib. O deyib ki, Zərrab Nyu-Yorkda həbsxanada qaldığı günlərdə belə mühafizəçilərə rüşvət verərək içəri fahişələr, yemək-içmək və narkotik gətirdib.
Rza Zərraba qarşı irəli sürülən ittihamların arasında həqiqətən həbsxana keşikçilərinə rüşvət vermə də yer alırdı. Türkiyə mediası yazır ki, Rza Zərrabın həbsxanaya qadın sifariş etdiyi barədə ABŞ məhkəməsində açıqlananlardan sonra onun hələ rəsmi nikahda olduğu arvadı, müğənni Əbru Gündəş ondan boşanmaq üçün iddia qaldırmağa hazırlaşır. Bundan əvvəl Əbru Gündəşin özünə yeni sevgili tapdığı bilinirdi. Lakin o, iranlı milyarderdən boşanmamışdı. İndi isə bildirilir ki, Əbru Gündəş boşanma iddiası qaldırmaq üçün vəkilinə təlimat verib. Əgər o, ərinin xəyanətini əsas gətirib boşanma iddiası qaldırırsa deməli Rza Zərrabın sərvətindən yarısını ələ keçirmək niyyətindədir.
Nyu-York məhkəməsinin «Halkbank»ın idarə heyətinin sədr müavini barəsində çıxaracağı hökm isə Türkiyənin maliyyə sistemini çökdürə bilər. Çünki məhkəmənin İrana qarşı sanksiyaların pozulmasına görə «Halkbank»ı 20 milyard dollar təzminata məhkum edəcəyi gözlənilir.