İranda 100-ə yaxın insan həbs olunub
Məşhəddə keçirilən kütləvi etirazlarda Xamneyiyə və Həsən Ruhaniyə qarşı şüarlar səsləndirilib
MÖVZU İLƏ ƏLAQƏLİ
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Bizimlə dirəşən o birilərlə barışır
İran ətrafında halqa daralıb, sanksiyalar sərtləşib
-
İran elitasında parçalanma?
Uğurlu inqilab üçün əsas amil
-
Xalqa qarşı 9500 “Hizbullah”çı ...
Molla rejimi etirazçılara qarşı Yəmən, İraq və Əfqanıstandan terrorçular gətirir?
-
Mollaları silkələyən şüarlar...
“Biz hamımız Mohsen Şəkəriyik!”
-
İran odla oynayır ...
... yaxud bir Abbasılıq qiyməti olmayan yalan
-
İranı qarışdıracaq daha bir qətl
Sünni dini lideri qaçırdılar və üç güllə vurdular
-
HHM qarşılığında PUA
Rusiya və İran tam hüquqlu tərəfdaşa çevrilir
-
Allahsızlığın iki növü...
Cəllad Miloşeviç cəzasını verənlər Xameneyiyə göz yumur ...
-
“Onu asanlıqla aldadırlar”
İranlı nazir: “Makron MKİ tərəfindən idarə olunur”
-
Xameneyinin “xeyir duası”
Baş molla Qarabağı qana bulamağa çalışır
-
Etirazlarla bağlı ilk edam
SEPAH qərardan razı qalıb
-
1200 tələbə zəhərlənib
Olayın 3 günlük hökumət əleyhinə aksiyalardan bir qədər əvvəl baş verməsi şübhə doğurur
Dekabrın 28-də İranın Rəzəvi Xorasan əyalətinin Məşhəd şəhərində on minlərlə aksiyaçının iştirakı ilə keçirilən kütləvi etirazlarda, ölkənin dini lideri axund Əli Xamneyiyə və ölkə prezidenti Həsən Ruhaniyə qarşı şüarlar səsləndirilib.
«Bahalığa yox» adı ilə «Teleqram» sosial şəbəkəsində edilən çağırışa əsasən baş tutan dinc etirazlar, az sonra hüquq-mühafizə qüvvələrinin və mülki geyimli ETTELAAT əməkdaşlarının müdaxiləsindən sonra daha sərtləşib. Nəticədə aksiyaçılarla hökumət qüvvələri arasında qarşıdurma yaranıb.
«Diktatora ölüm», «Ruhaniyə ölüm», «Fələstin və Qəzzə Zolağını burax, bizə gün ağla», «Polis! get, oğrunu tut», «Bizim millət oyaqdır, oğurluqdan uzaqdır» və digər şüarlar səsləndirən etirazçılar, polisin onlara gözyaşardıcı qaz tətbiq etməsindən sonra küçələrdəki zibil yeşiklərini aşıraraq onlara od vurublar. Etirazlar daha sərtləşdikdən sonra hadisə yerinə əlavə qüvvələr və motosiklet sürən silahlı polislər cəlb edilib. Nəticədə ən azı 100-ə yaxın etirazçı yaxalanaraq naməlum istiqamətə aparılıb.
Hüquq-mühafizə qüvvələrinin etirazçılara qarşı zorakılıq tətbiq etməsindən sonra jurnalistlərə açıqlama verən Məşhədin fərmandarı Məhəmməd Rəhim Noruziyan, etirazçıları «düşmən təsiri altına düşən təxribatçılar» adlandırıb: «Etirazçılar dövlət əmlakını dağıdaraq təxribat törətmək istəyirdilər. Lakin onların bu qanunsuz etirazının qarşısı tez bir zamanda polis tərəfindən alınıb».
Bildirilir ki, həmin gün, İranın Neyşabur, Kaşmər, Şahrud, Simnan və Yəzd şəhərlərində də hökumətə qarşı oxşar etiraz aksiyaları keçirilib.