vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
BÖHRAN  
13:19 | 11 fevral 2018 | Bazar Məqaləyə 1596 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İran bunu gözləmirdi

İsrailin «T-4» aviabazasına zərbələri ...

MÖVZU İLƏ ƏLAQƏLİ

İsrail mediası fevralın 10-na keçən gecə və səhər saatlarında Suriya ərazisinə edilmiş irimiqyaslı hava hücumlarının bəzi təfərrüatlarını yayıb. Virtualaz.org xəbər verir ki, İsrail Hərbi Hava Qüvvələrinin 113-cü eskadrilyasının komandiri, polkovnik-leytenantı L. fevralın 10-da səhər saatlarında «Apachi» vertolyotunun şturvalı arxasında idi və mərkəzdən gələn komanda əsasında ölkənin hava sahəsinə daxil olmuş İran pilotsuz təyyarəsini «hava-hava» tipli raketlə vurub. Bundan əvvəl təyyarənin «Barak-8» zenit-raket sistemi ilə vurulduğuna dair xəbərlər yayılmışdı.

«Biz uçan aparatı İran pilotsuz təyyarəsi kimi identifikasiya etdik və sərhədi keçəndə onu vurduq», - polkovnik-leytenant İsrail TV-lərinə bildirib.

İsrail müdafiə ordusunun mətbuat xidməti tərəfindən yayılmış məlumatda mərkəzdən gələn əmrə uyğun olaraq pilotun hədəfi müəyyən edib ona dəqiq zərbə endirdiyinə dair səs yazısı əks olunur. «Eskadrilya qarşıya qoyulmuş istənilən vəzifənin yerinə yetirilməsinə hazırdır», - polkovnik-leytenant bildirib.

İran dronunun ölkənin hava sahəsinə daxil olmasına cavab olaraq İsrail aviasiyası 8 «F-16» qırıcısının iştirakı ilə Suriya ərazisinin dərinliklərində, Palmira yaxınlığında yerləşən «T-4» aviabazasına güclü zərbələr endirib. Hava hücumu zamanı Suriya Hərbi Hava Qüvvələri böyük ehtimalla «Buk» raketi ilə İsrail təyyarələrini vurmağa çalışıb. Bu zaman raketlərdən biri «F-16» qırıcısının yaxınlığında partlayıb və qəlpələr təyyarəni zədələyib. Pilotlar təyyarəni İsrail ərazisinə qədər geri qaytarmağa nail olub və katapult ediblər.

Hava hücumu zamanı «T-4» aviabazasında mənzillənmiş İran pilotsuz təyyarələri, «Hizbullah»ın istifadə etdiyi bir neçə bina və şəxsi heyət məhv edilib. Bazada habelə Rusiya hərbi texnikası da vurulub. «T-4» müvəqqəti olaraq fəaliyyətini dayandırıb. Bildirilir ki, İran üçün Suriya ərazisinin dərinliklərində yerləşən «T-4» bazasının vurulması gözlənilməz olub.

Ötən gün axşam Rusiya prezidenti Vladimir Putin İsrail baş naziri Benyamin Netanyahuya zəng vuraraq onu regionda «onsuz da gərgin olan vəziyyəti daha da gərginləşdirməməyə» çağırıb. Netanyahu cavab verib ki, İsrailin özünümüdafiə hüququ var və bundan sonra da Suriyadan edilən hücumlara qarşı sərt tədbirlər görüləcək. Tərəflər gələcəkdə yarana biləcək belə situasiyalar zamanı koordinasiya içərisində hərəkət etməyə anlaşıblar.