«Həddən artıq çoxdur»
«Hərbi hospitaldan yazıram, yaralılara yer yoxdur, dəhlizlərə düzüblər...»
MÖVZU İLƏ ƏLAQƏLİ
-
Yüzillərin iddiası pozuldu
Süni intellektdən kriminalistikaya zərbə
-
“Bizə kömək edin”
ABŞ bank sektorunda zərərlər və yaranmış vəziyyət
-
ABŞ bank sistemində təlatüm
Üç bank özünü iflas elan etdi, kriptovalyuta bazarı silkələnəcək
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Dehli Kremldən narazıdır
Modi Putinlə görüşünü niyə təxirə salıb?
-
Putin tələb etdi, Lukaşenko seçim
Minsk müharibəyə qoşulacaqmı?
-
Lukaşenko zəmanət vermir
Rusiya-Belarus danışıqlarının gizlinləri
-
“Ermənistan mövcud olmayacaq”
“Qoruyucu mələklər”i bədxah qonşularımızdan üz çevirməyə başlayır
-
Kennedi qətlinin müəmması
ABŞ administrasiyası minlərlə yeni sənəd dərc edib
-
Rusları və Rusiyanı tanımaq
Qurbanlar öz cəlladları ilə əlbir olurlar
-
“Bu, şübhəsiz ki, olacaq...”
Baydendən yeni bəd xəbər ...
-
Ukraynaya “ağıllı bombalar”
Müharibənin taleyini həll edəcək ikinci həmlə
-
Qan donduran “zarafat”
Duma deputatının dediklərinə görə hətta ruslar da utandılar
-
Belarus müharibəyə qoşulur?
“Qırmızı kvadrat”la işarələnmiş zirehlilərin görüntüləri yayılıb
Suriyanın Deyr əz-Zor əyalətində fevralın 7-də ABŞ-ın dəstəklədiyi «Suriya Demokratik Qüvvələri»nin nəzarətində olan neft-qaz yataqlarını ələ keçirmək üçün hücum edən, lakin Amerika aviasiyası tərəfindən darmadağın olunan Rusiya muzdlu döyüşçülərinin aqibətinə dair hər gün yeni məlumatlar yayılır. Virtualaz.org xəbər verir ki, «Vagnerin ordusu» kimi tanınan Rusiya muzdlularının yüzlərlə itki verdiyi bildirilir. Ölənlərin sayına dair rəqəmlər 215-dən 600-ə qədər dəyişir. Üstəlik çoxlu ağır yaralı var.
Rusiya mənbələrində yer alan məlumatlara görə yaralıları Moskva, Sankt-Peterburq və Rostov hospitallarına daşıyırlar. Hətta bildirilir ki, Moskva ətrafındakı Ximki hospitalına daxil olan yaralıların sayı palatalardakı boş yerlərin sayından çox olduğundan onları dəhlizlərdə yerləşdirməli olublar.
«Himkinsk hospitalından yazıram-mən bu qədər «döyüş 300-lərini» (yaralılar) sonuncu dəfə 2014-cü ilin avqust-sentyabr ayında görmüşəm», - Yevgeni Şabayev adlı istifadəsi «Vkontakte» sosial şəbəkəsində yazır.
Qeyd edək ki, 2014-cü ilin avqust-sentyabr aylarında Ukraynanın şərqində gedən qızğın döyüşlərdə Rusiya ordusu və muzdlu dəstələri də ağır itkilər vermişdi.
Qondarma «Donetsk Xalq Respublikası» silahlı dəstələrinin keçmiş döyüşçüsü Mixail Polınkov da hospitala baş çəkib və çoxsaylı ağır yaralıların olduğunu görüb.
«Hospitala getdim, Hişam ətrafında (Deyr əz-Zor vilayəti) «ətçəkəndən» keçənlərdən birinə ba çəkdim. Qısaca nə deyə bilərəm. Ölənlərin sayının 600-ə yaxın olduğu haqda deyilənlər mif deyil. Üç hücum qruplaşması olub, hərəsində orta hesabla 300 nəfər, ruslardan və donbasslılardan ibarət. Üstəgəl artdiviziyon və zirehli qrup», - Polınkov yazır.
O, baş çəkdiyi yaralı ilə söhbət edib və səsini diktofona yazdırıb. Bildirib ki, baş verənlərə dair indiyədək yayılan xəbərlərin doğruluğuna əmin olub. Döyüşçünün danışdıqlarını internetdə yerləşdirən Polınkov bildirir: «Fərqi yoxdur buna görə mənə nə deyəcəklər. Məni tanıyanlar bilir ki, satqınlıq əlimdən gəlmir. Qalanlar isə... Əgər kimsə doğrudan da həqiqəti öyrənmək istəyirsə qoy üç hospitala baş çəksin və yaralılarla danışsın. Onlar həddən artıq çoxdur. Vişnevskidə bəziləri hətta dəhlizlərdə yerləşdirilib».
Polinkovun söhbətləşdiyi yaralı deyir ki, onlar hər dəfə Suriyaya ezam ediləndə itki verirdilər. Beləsi isə hələ görünməmişdi. Belə məlum olur ki, muzdlular Suriyaya göndərilməzdən əvvəl «Europolis» adlı şirkətlə müqavilə bağlayır, guya xəritəçəkən, təsərrüfat işçisi olduqları haqda sənədlər tərtib edilir.
Yaralı deyir ki, amerikalıların zərbəsinə eyni vaxtda üç dəstə düşdü, onlarda cəmi 1000-ə yaxın döyüşçü var idi. Ağır yaralılar da nəzərə alınmaqla ölən muzdluların sayı hətta 700-ə çata bilər.
Bu arada «The Guardian» xəbər verir ki, Deyr əz-Zorda yenə «Vagnerin ordusu»nun muzdluları itki verib. Suriya insan haqları monitorinq qrupuna (SOHR) istinad edən qəzet yazır ki, silah anbarında partlayış zamanı özəl hərbi şirkətə işləyən 15 rusiyalı muzdlu həlak olub. Bildirilir ki, silah arsenalı mina-tələ vasitəsilə partladılıb, nəticədə Bəşər Əsədin tərəfində döyüşən «Əl-Bəkir briqadası»ından 23, Rusiya özəl hərbi şirkətinin isə 15 döyüşçüsü ölüb. Hadisənin bu günlərdə -amerikalıların kütləvi zərbələrindən sonra baş verdiyi bildirilir.