vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
BÖHRAN  
22:34 | 28 fevral 2018 | Çərşənbə Məqaləyə 2174 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Mərmi, mərmi, mərmi»

ABŞ senatoru: «İsrailin ancaq bir xahişi var ...»

F.MƏMMƏDOV

MÖVZU İLƏ ƏLAQƏLİ

Yaxın Şərqə səfərdən yenicə Vaşinqtona qayıtmış iki amerikalı senator İsrailin şimal sərhədlərində irimiqyaslı münaqişənin başlanması ehtimalının hər gün,hər saat artdığını deyiblər.

Virtualaz.org xəbər verir ki, senatorlardan biri Lindsi Qrem İsraildə keçirdikləri hər görüşdə onlardan ancaq mərmi və sursat xahiş etdiklərini deyib. «Hər görüşdə təkcə bir başlıca məsələ səslənirdi - mərmi, mərmi, mərmi», - senator deyib.

Mərmi dedikdə İsrail tərəfinin Amerikadan yüksək dəqiqlikli və dağıdıcı aviabombalar istədiyi təxmin edilir. Belə sursatlar İsrail üçün İranın möhkəmləndirilmiş bunkerlərinə, o cümlədən «Hizbullah»ın Livanın cənubundakı bazalarına zərbə endirmək üçün lazımdır.

«Bu, mənim uzun müddətdən bəri həyata keçirdiyim ən qorxunc səfər idi», - senator Qrem deyib.

Onu səfərdə müşayiət edən senator-demokrat Kris Kun isə bildirib ki, İsraillə Suriya arasında irimiqyaslı münaqişə potensialı kəskin artmaqdadır.

Senatorlar Qrem və Kun deyiblər ki, Tramp və ABŞ-ın Avropadakı müttəfiqləri Suriyada İŞİD-i dayandıra biliblər, lakin daha ciddi geosiyasi problemi-İran və Rusiyanın təsirlərinin artmasına məhəl qoymurlar.

«Administrasiya İranı spesifik olaraq Suriyada dayandırmaq üçün kifayət qədər addımlar atmır. Və İŞİD-in darmadağın edildiyi bir vaxtda bizim Suriyadakı gələcək rolumuz nədir», - deyə senator Kun sual edib.

Amerikalı demokrat-senator qeyd edib ki, Rusiya və İran, onların kombinasiyası ABŞ-ın həyati vacib müttəfiqi İsraili, habelə İordaniyanı təhdid edir. Və ABŞ-ın yoxluğu şəraitində tezliklə Əsəd rejimi, İran və Suriya bütün Suriyada dominantlıq edəcək.

«İsrail yaşayış kvartallarına, hospitallara, məktəblərə də zərbələr endirəcək, çünki «Hizbullah» bütün hərbi infrastrukturunu bu obyektlərə yerləşdirib. Və ona görə də mən hamıya demək istəyirəm-əgər müharibə olacaqsa doğrudan da çox qanlı olacaq», - senator Kun xəbərdarlıq edib.

Amerikalı senatorların bu həyacanlı bəyanatları Suriya ərazisində İranın yeni raket bazası tikməsi barədə bu gün yayılmış məlumatlar fonunda səslənir. Bundan əvvəl ABŞ-ın «Fox» telekanalı «İmageSat» şirkətinin təqdim etdiyi peyk fotoçəkilişlərinə istinadən İranın Dəməşqin cəmi 8-10 kilometrliyində yaxın və orta mənzilli raketlər üçün iki yeni anqar tikdiyinə dair görüntüləri yayıb. Görüntülərə əsasən anqarların hərəsinin sahəsi 500 kvadratmetrdir və bazanı İnqilab Keşikçiləri Korpusu qoruyur. Bu, İsrailin daha əvvəl Suriyada raket zərbələri ilə dağıtdığı İran bazalarına oxşardır.

Lakin İsrailin müdafiə naziri Aviqdor Liberman «Kol» ordu radiosuna müsahibəsində deyib ki, İranın Suriyada yeni baza tikdiyinə dair xəbərlərə inanmaq lazım deyil. Hətta bu xəbəri «Fox» kimi mötəbər qaynaq yaysa belə.

«Bizim orada nə baş verdiyinə dair tam təsəvvürlərimiz var», - Liberman bildirib.

Xatırladaq ki, fevralın 10-da İsrail İran pilotsuz təyyarəsinin ölkənin hava sahəsinə daxil olmasına cavab kimi Suriya ərazisinə irimiqyaslı hava hücumu həyata keçirib. Bu zaman İsrail Hərbi Hava Qüvvələrinin bir F-16 təyyarəsi vurulub. İsrail baş naziri Benyamin Netanyahu xəbərdarlıq edib ki, onun ölkəsinin səbrini sınamağa çalışmasınlar, yoxsa təkcə İranın satellitlərini yox, özünü də hədəf alacaqlar.