vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
AKTUAL  
09:37 | 10 avqust 2018 | Cümə Məqaləyə 1646 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sanksiyalara qarşı sanksiyalar

Rusiya ABŞ-a cavab hazırlayır

MÖVZU İLƏ ƏLAQƏLİ

Rəsmi Moskva ABŞ-ın yeni sanksiyalarına cavab tədbirlərinin hazırlanması ilə məşğul olacaq. Bu barədə cümə axşamı Rusiya XİN-in rəsmisi Mariya Zaxarova bəyan edib.

“Rusiya tərəfi dəfələrlə xəbərdarlıq edib ki, onunla güc və ultimatumlar mövqeyindən danışmaq faydasız və perspektivsizdir”, - deyə o qeyd edib.

Zaxarova bildirib ki, Moskvada Solsberidə hadisə ilə bağlı ABŞ-ın Rusiyaya qaşrı sanksiyalar tətbiq etmək niyyətini uydurulmuş bəhanə hesab edirlər.

Rusiyanın keçmiş kəşfiyyatçı Sergey Skripalın və onun qızı Yuliyanın zəhərlənməsində əli olması ilə bağlı ittihamları cavablandıran XİN rəsmisi bildirib ki, “Rusiya ABŞ-dan fərqli olaraq bütün kimyəvi silah ehtiyatını tam ləğv edib”.

Qeyd edək ki, avqustun 8-də ABŞ Dövlət Departamentinin rəsmisi Hizer Nauert Moskvanı “beynəlxalq hüququ pozaraq öz vətəndaşlarına qarşı bioloji, yaxud kimyəvi silahdan istifadə etməkdə” ittiham edərək, Rusiyaya qarşı yeni sanksiyaların anonsunu verib.

Avqustun 22-dən qüvvəyə minəcək birinci bloka ikili təyinatlı elektron avadanlıqlar və cihazların Rusiyaya ixracına tam qadağa daxildir. İkinci blok üç ay fasilə ilə qüvvəyə minir və diplomatik münasibətlərin səviyyəsinin azaldılmasını, “Aeroflot” şirkətinin ABŞ-a uçuşlarına icazəsinin ləğvini, həmçinin ölkələr arasında mal dövriyyəsinin demək olar ki, tam dondurulmasını nəzərdə tutur.

Valyuta birjaları bu bəyanata dərhal reaksiya verib və nəticə olaraq, Rusiya rublunun məzənnəsi 2016-cı ilin göstəricilərinədək düşüb.