vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əli bəy Hüseynzadə (1864 - 1940)

«Hürriyyət!.. O nə qüvvədir ki, zehinləri, fikirləri, xəyalları, bəşərin bütün ruh və mənəviyyatını sövq edir!»

Əli bəy Hüseynzadə (1864 - 1940)
REGİON  
23:12 | 23 fevral 2019 | Şənbə Məqaləyə 1035 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Sərkisyan inqilab olacağını bilirmiş

İstefadan bir neçə gün əvvəl yarım milyard dollar çıxarılıb

2018-ci ilin aprelində Ermənistanda baş verən “məxməri inqilab” ərəfəsində ölkədən rekord məbləğdə - 500 milyon ABŞ dolları həcmində kapital çıxarılıb.

Bu barədə məşhur “Tradingeconomics” analitik mərkəzinin dərc etdiyi hesabatda yazılıb. Mərkəz dünyanın 196 ölkəsi barədə 20 milyondan çox iqtisadi göstərici və yalnız sırf rəsmi mənbələr və rəqəmlərə əsaslanaraq hesabatlar hazırlayır və bu səbəbdən məlumatlarının dəqiqliyinə heç bir şübhə edilmir.

Belə ki, Ermənistanla bağlı dərc edilən hesabat əhali arasında və sosial şəbəkələrdə ciddi müzakirələr yaradıb. Səbəb isə Mərkəzin təqdim etdiyi məlumatın sabiq prezident Serj Sərkisyan hökumətinin Nikol Paşinyanın inqilabı barədə əvvəlcədən xəbərdar olduğunu üzə çıxarmasıdır.

Erməni ekspertlərin fikrincə, Ermənistanın iqtisadi və siyasi elitası yaxınlaşan burulğanlı siyasi proseslər barədə əvvəlcədən məlumatlı olublar və öz pullarını “sığortalayıblar”.

“Bütün münasibətlərdə belə bir maraqlı fakt ortaya çıxır: 28 illik müstəqillik tarixində Ermənistandan xaricə rekord kapital qaçışı məhz “məxməri inqilab” ərəfəsində qeydə alınıb. Bu faktın özü hər şeyi izah edir”, – deyə erməni politoloq Artur Martirosyan bəyan edib.

Ermənistanın hazırkı baş naziri Nikol Paşinyanın ötən ilin aprelində başlatdığı kütləvi küçə aksiyaları nəticəsində o zamankı baş nazir (əvvəllər prezident, konstitusiyaya edilən dəyişikliklə əlaqədar parlament üsul-idarəsinə keçildikdən sonra 2018-ci ilin 17-23 aprelində baş nazir ) Serj Sərkisyan istefa vermişdi.