Trampın düyməsi basıldı
Demokratlar nazir müavinini təhqiqata cəlb etmək üçün hərəkətə keçdilər
Sərdar TURQUT, “Habertürk”ün Vaşinqton təmsilçisi
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
Dünən Vaşinqtonda edilən zarafat ABŞ-la Şimali Koreya arasındakı sammitin yaxşı keçməsinin mümkün olmayacağı haqqında idi. Prezident Trampın, saat fərqi olması səbəbilə, gecə gec saatlara qədər ABŞ televiziyalarında öz əleyhinə olan hadisələri izləyəcəyi və yuxusuz qalıb gərgin olacağından, zirvə görüşünün uğursuz bitəcəyi söylənilirdi. Həqiqətən, iki lider bir anlaşma əldə etmədən ayrıldı, lakin bunun səbəbinin sadəcə Trampın yorğunluğu və gərginliyi olmadığı da ortadadır.
Sanki düyməyə basıldı
Bəli, həqiqətən, Vaşinqtonda birdən, sanki bir mərkəzdən Trampı vəzifədən azad etmək əmri gəlmiş kimi, bir sıra hadisələr zənciri yaşanmağa başlayıb.
Trampın keçmiş vəkili və işlərini görən Maykl Kohen Konqresdə üç gün davam edəcək təhqiqata qatılmağa qərar verib. İlk günü qapalı keçirilən təhqiqatdan sonra – çərşənbə günü keçirilən açıq toplantıda sanki ABŞ-a Vaşinqton mərkəzli siyasi atom bombası atıldı.
Daha öncə Konqresə yalan söylədiyinə görə həbs cəzası alan Kohen bu dəfə həqiqəti söyləməyə qərar verdiyini bildirərək, Tramp haqqında ona gələcəkdə çox zərər verə biləcək açıqlamalar verdi. Onun yalançı və saxtakar biri olduğunu açıqca söylədi. Trampın vergi pozuntularına yol verdiyini, əlaqə qurduğu iddia edilən qadınlara ödəmələri birbaşa özünün müəyyənləşdirdiyini, öz maraqları üçün davamlı olaraq təhdid və şantaj üsullarına əl atdığını, zəncilərin və müsəlmanların əleyhinə müntəzəm şəkildə çıxışlar etdiyini, əlində dəlil olmasa da, ruslarla əməkdaşlıq etdiyinə inandığını söylədi.
Qadının ulduzu parladı
Konqresin Nümayəndələr Palatasının yeni, gənc və solçu qadın üzvləri təhqiqat zamanı əməlli-başlı parladılar. Təhqiqat zamanı onlar keçmişdə zəncilər və müsəlmanlar əleyhinə irqçi ifadələr işlədən Trampdan bu sözlərinin intiqamını almaq istərcəsinə amansız və aqressiv idilər. Onların bu qəzəbləri haqlı olsa da, əsil vəzifəsi dəlil toplamaq olan bir komitənin işini aradabir çətinləşdirirdi də. Lakin bəzi üzvlər, xüsusilə daha öncə ulduzunun parlayacağını yazdığım Aleksandriya Okasio-Kortez təhqiqat zamanı xeyli parladı. O, çox təcrübəli bir prokuror kimi suallar verdi və gələcəkdə açılacaq yeni işlər üçün dəlillər topladı.
İndi bütün şərhçilər bu təhqiqatın irəlidəki mərhələlərində Tramp üçün bir impiçment (İmpeachment – etimadsızlıq göstərmək; ABŞ-da Prezidenti vəzifədən azad etməyin və məsuliyyətə cəlb etməyin xüsusi proseduru – tərc.) prosesi başladıla biləcəyini söyləyirlər.
Mən də eyni fikirdəyəm, bu dəfə iş, deyəsən, ciddidir.
Xüsusi prokuror təhqiqatı
Yeri gəlmişkən, Trampın ruslarla əməkdaşlıq etməsi iddiasını araşdırmaqda olan xüsusi prokuror Müllerin öz hesabatını tamamladığı da məlumdur. Hesabatın bu həftə ortaya çıxması gözlənilirdi. Ancaq Trampın Ədliyyə Nazirliyinin rəhbərliyinə müvəqqəti olaraq təyin etdiyi şəxsin (14 fevral 2019-cu ildə ABŞ Baş prokuroru təyin edilən Uilyam Barr nəzərdə tutulur – tərc.) bu hesabatın ortaya çıxmasına mane olduğu söylənir.
Buna eyham vuran şəxs də daha öncə bu təhqiqatı rəsmən başladan və bugünədək təqib etmək üçün məsuliyyət daşıyan Ədliyyə nazirinin müavini Rod Rozenşteyn olduğuna görə, məsələ əməlli-başlı ciddi bir hal alıb. Çünki “Rusiya hesabatı” bu şəkildə təzyiq altına alınırsa, o da Trampın vəzifədən azad edilməsi üçün başqa bir səbəb yarada biləcək.
Konqresdəki demokratlar bu hesabatı, ehtiyac olarsa, zorla almaq üçün rəsmi xəbərdarlıq məktubu göndərməyə hazırlaşırlar. Bir təhqiqat başladaraq, Rod Rozenşteyni şahid kimi çağıracaq və hesabatı da özü ilə gətirməsini istəyəcəklər. Hazırda bunun planlaşdırılması aparılır.
Vaşinqtonda Müllerin hesabatında Prezidenti ağır dillə ittiham edən dəlillərin və həqiqətlərin olduğu da söylənilir.
Anlayacağınız odur ki, Şimali Koreya lideri ilə keçirdiyi uğursuz sammitdən sonra Vaşinqtona döndükdə Prezident Trampı heç də xoş olmayan proseslər gözləyir. Baxaq, görək, siyasi manevr gücü bunlardan da qurtulmasına yetəcəkmi?