“Keşikçi dağ” qalmaqalı
Azərbaycan və Gürcüstanın deputatlarından reaksiya
Namidə BİNGÖL
MÖVZU İLƏ ƏLAQƏLİ
-
Ağdamın son ucu
Qərib eldə qaçqınlığın bitməsinin sevinci
-
“Erməni vandalları Azıx mağarasında partlayış törətmişdilər”
Professor Abbas Seyidov: “İşğaldan azad edilmiş ərazilərdə beynəlxalq ekspertlərin iştirakı ilə daha geniş arxeoloji tədqiqatlar aparılacaq”
-
“Pulyuyan camaşırxana”çı ...
... Yaxud Kremlin yalanı, Vardanyanın “planı”
-
Vardanyanın son sözü
Bakının cavabı necə olacaq?
-
Xəyanətin miqyası artır
Qəpik-quruş üçün vətənini, millətini satanlar...
-
Bakı AHİM-ə şikayət etdi
Beynəlxalq hüquqa uyğun təzminatın tələbi prosesi başlayır
-
Laçın-Xankəndi yolunda dinc aksiya yeddinci günündə davam edir
Azərbaycan XİN aksiyanın mahiyyətini kobud təhrif edən xarici ölkələrə cavab verib...
-
Düşmən bizi vahid görməlidir
Xalq hər məqamda mübarizəyə hazır olduğunu bir daha nümayiş etdirir
-
Ekoloji aksiya siyasiləşir?
Yeni tələblər irəli sürüldü
-
Dombra – qəlb sazından çıxan səda
“Astana Opera”nın Bakıya qastrolu
-
Yolkəsənlərin başqa yolu yoxdur!
Arutyunyan və Vardanyan hazırda bizim üçün heç kimdir
-
Düşmənlərimizi birləşdirən aksiya...
“Dahiyanə” öncəgörmələr bizdə xof hissi yaratmağa hesablanıb
-
Azərbaycan şantajlardan qorxmamalıdır
Qırmızı xətti qoruyan iradəni görən dünya Bakıyla hesablaşmaq məcburiyyətində qalacaq
-
Türk dünyasının həmrəyliyi üçün ən gözəl model
Qardaş ölkədəki QHT-lərdən Laçın dəhlizi aksiyaçılarına dəstək
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
... Kremldən gələcək bəyanat
Barmaq sayı qədər ədalətli insanın olduğu ...
Son günlər Azərbaycan-Gürcüstan sərhədində gərginlik yaşanır. Belə ki, Azərbaycan Gürcüstanla sərhəddə yerləşən “Keşikçi dağ” (Gürcüstan tərəfinin versiyasına görə “David Qareci”) monastır kompleksi ətrafında sərhədçilərinin sayını kəskin artırıb.
“Rustavi-2” telekanalının məlumatına görə, hazırda bu ərazidə turistlərin və zəvvarların hərəkəti üçün məhdudiyyət yoxdur. Amma istisna deyil ki, Azərbaycan sərhədçiləri mayın 5-də “Keşikçi dağ”a gedişi bağlayacaqlar.
“Əvvəllər onların sərhədçilərinin sayı cəmi 2 idi. İndi isə təxminən 18 nəfərdir, heç vaxt bu qədər çox olmamışdılar”, - məlumatda deyilir.
İki ölkə sərhədində baş verənlərin mahiyyətini öyrənməyə çalışdıq.
Xarici İşlər Nazirliyinin mətbuat katibi Leyla Abdullayeva saytımıza açıqlamasında bildirib ki, Azərbaycan bu prosesi ən qısa müddət ərzində başa çatdırmağa hazırdır.
“Xatırlatmaq istərdim ki, “Keşikçi dağ” monastır kompleksi Azərbaycan-Gürcüstan dövlət sərhədinin keçdiyi təpələr sırası boyunca təxminən 25 kilometr məsafədə səpələnmiş bir çox tarixi, memarlıq və dini obyektlərdən ibarətdir və həmin kompleks təpələr sırası ilə iki hissəyə bölünür. Azərbaycanla Gürcüstan arasında dövlət sərhədinin delimitasiyası beynəlxalq təcrübədə tətbiq edilən qaydalara uyğun olaraq, qarşılıqlı əlaqələndirmə proseduraları əsasında mövcud ikitərəfli formatlar çərçivəsində həll olunur.
Azərbaycan həmişə Azərbaycan-Gürcüstan sərhədinin tezliklə delimitasiya olunmasının tərəfdarı olub. Azərbaycan bu prosesi ən qısa müddət ərzində başa çatdırmağa hazırdır.
Gürcüstan parlamentinin azərbaycanlı deputatı Mahir Dərziyev mövzuya münasibət bildirərkən məsələnin həssas olduğunu qeyd edib.
“Təqribən 20 ilə yaxındır ki, Gürcüstanla Azərbaycan arasında sərhədlə bağlı danışıqlar gedir. Bununla bağlı xüsusi komissiya yaradılıb. Sərhədlərin böyük əksəriyyəti müəyyənləşdirilib. Bir qismi ilə yanaşı, gürcülərin “David Qareci”, Azərbaycan tərəfinin “Keşikçi dağ” adı verdiyi tarixi hissəsi qalıb. Bunun hüquqi tərəfi Gürcüstan tarixində önəmli yer tutur. Gürcüstan tərəfindən xristian, gürcü mədəniyyəti, Azərbaycan tərəfindən isə alban mədəniyyəti ilə bağlı abidə hesab olunur. Açığını desək, bura mübahisəli və müəyyən olunmamış məsələ olaraq qalır. Zaman-zaman bu məsələ gündəmə gəlib. Bu onunla bağlıdır ki, xristianların Pasxa bayramında həmin ibadət yerlərinə zəvvarların, ziyarətə gedənlərin sayı dəfələrlə artır. Bu da müəyyən basabas yaradır.
Son dövrdə bəzi dairələr məsələni prezident xanım Salome Zurabişvilinin bəyanatları ilə bağladılar. Açığı desək, son dövrdə Gürcüstan tərəfi sərhədin müəyyən olunmasının başa çatdırılması ilə bağlı mövqeyini nümayiş etdirib. Eyni zamanda, Azərbaycan tərəfi də məsələnin başa çatdırılmasına hazır olduğunu bəyan edib. Bu həssas məsələyə Azərbaycan-Gürcüstan dostluğuna kölgə salmaq istəyənlər var. Düşünürəm ki, bu məsələ ilə bağlı bəyanatlar verərkən hisslərə qapılmamaq lazımdır. Təmkinli və müdrik olmaq lazımdır. Hesab edirəm ki, bu məsələ qısa zaman kəsiyində danışıqlar yolu ilə həll ediləcək”.
Gürcüstanın digər azərbaycanlı deputatı Ruslan Hacıyev Azərbaycan-Gürcüstan sərhədi mövzusunda heç bir mübahisəli məsələnin olmadığını bildirib.
“İki dövlət arasında bu məsələlər öz həllini tapır və tapacaq. Hesab edirəm ki, “Rustavi-2” kanalının və hər hansı bir məsuliyyətsiz siyasətçinin, ya da şəxsin verdiyi bəyanat yolverilməzdir. Gürcüstan və Azərbaycan dost-qardaş dövlətlərdir və belə də qalacaqlar. Son dövrlər Natelaşviki və Okriaşvili cütlüyünün verdiyi bəyanatları ciddi hesab etmirəm və qınayıram”.
Xatırladaq ki, bir neçə gün əvvəl “Keşikçi dağ” monastrı ətrafında Azərbaycan və Gürcüstan arasında gərginlik yaranıb. Azərbaycan sərhədçiləri gürcü ziyarətçilərinin monastıra hərəkətini məhdudlaşdırıb.
Bu addım Gürcüstan prezidenti Salome Zurabişvilinin Azərbaycanla sərhədlərin mümkün qədər tez delimitasiya olunmasına çağırışından sonraya təsadüf edir. “Keşikçi dağ” Qafqaz Albaniyası dövrünə aid olan və Azərbaycan ərazilərində yerləşən qədim monastırdır. Gürcü tərəfi isə bu monastırın onlara aid olduğunu iddia edir.
Bundan sonra Gürcüstanın Leyborist Partiyasının sədri, deputat Şalva Natelaşvili Azərbaycan əleyhinə sərsəm açıqlama ilə gündəmə gəlib.
Keçmiş müdafiə naziri İrakli Okuruaşvili də ərazinin Gürcüstana aid olmasını iddia edib. (modern.az)