vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
ENERGETİKA  
14:28 | 22 fevral 2022 | Çərşənbə axşamı Məqaləyə 591 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Neft 100 bahalanıb

“Brent” 2014-cü ildən bəri ilk dəfə olaraq 100 dollara yaxınlaşıb

MÖVZU İLƏ ƏLAQƏLİ

Britaniyanın baş naziri Boris Conson deyir ki, ölkəsi Rusiyanın biznes maraqlarına dərhal sərt sanksiyalar qoyacaq. O, Rusiya Prezidenti Vladimir Putinə Ukraynaya qarşı əlavə hərbi addımlarla bağlı xəbərdarlıq edib.

“Dərhal iqtisadi sanksiyalar paketi tətbiq edəcəyik”, – Conson fevralın 22-də milli fövqəladə təhlükəsizlik komitəsinin iclasından sonra jurnalistlərə deyib.

 

“İlk sanksiya atəşi”

 

Prezident Putin fevralın 21-də Ukraynanın şərqindəki separatçıların qondarma “DXR” və “LXR” qurumlarını tanıyıb, bu əraziyə ordu yeritməklə bağlı qərar verib.

Qərb liderləri bu addımı pisləyib. ABŞ Donetsk və Luqanska sanksiyaları açıqlayıb, amma hələlik, Rusiyanın özünə sanksiya qərarı verilməyib.

“Vurğulamalıyam ki, bu, Britaniyanın Rusiyaya qarşı ilk iqtisadi sanksiya atəşi olacaq, çünki Rusiyanın irrasional davranışının davam edəcəyini gözləyirik”, – Conson deyib. Onun sözlərinə görə, sanksiyalar “təkcə Donbasda – Luqansk və Donetskdəki qurumları deyil, Rusiyanın özünü hədəfə alacaq, Rusiyanın iqtisadi maraqlarını mümkün qədər bərk vuracağıq”. Conson fevralın 22-də axşam parlament qarşısında sanksiyaları detallı açıqlayacağını bildirib.

 

Mümkün sanksiyalar

 

Baş nazirin sözlərinə görə, Rusiya Ukraynaya təcavüz edərsə, Putin “dərin səhv” etdiyini anlayacaq. O, Moskvanın qonşusuna qarşı tammiqyaslı işğalda qərarlı olduğunu düşünür.

“Məncə, bugünkü vəziyyətin faciəvi tərəfi odur ki, Prezident Putin özünü özü kimi müşavirlərlə əhatələyib, onlar ona Ukraynanın əsl dövlət olmadığını deyirlər”, – Conson jurnalistlərə deyib.

Britaniya, özəlliklə paytaxt London Sovet İttifaqı dağılandan sonra zəngin rusiyalıların əmlak aldığı və biznes qurduğu məkana çevrilib.

Britaniya daha öncə Rusiya şirkətlərinin ABŞ dolları və Britaniya funt-sterlinqinə çıxışını kəsməklə, onları London bazarlarında kapital yığımından məhrum etməklə hədələyib.

 

İndekslər düşür, neft bahalanır

 

Fevralın 22-də Rusiyanın səhm bazarında azalma qeydə alınıb. Əsas RTS indeksi 9 faizədək azalıb.

Müharibənin genişlənəcəyi və qlobal iqtisadiyyata təsiri sarıdan qorxular Avropa və Asiyada əksər indekslərdə azı 1 faiz düşüşə səbəb olub. ABŞ-da da fyuçers qiymətləri kəskin düşüb.

Neft isə bahalanır. Bunun bir səbəbi Qərb Moskvanın enerji sektoruna sanksiya qoyarsa, Rusiyadan təchizatın kəsiləcəyi ehtimalıdır.

Bu il 25 faizdən çox bahalanan neft fevralın 22-də daha da qalxıb. “Brent” nefti 2014-cü ildən bəri ilk dəfə olaraq 100 dollara yaxınlaşıb.

Qeyd edək ki, dünya bazarında “Azeri Light” (CIF) markalı nefti də bahalanıb. Azərbaycan neftinin 1 barelə olan qiyməti 1,48 faiz və ya 1,45 dollar artaraq 99,34 dollar təşkil edib.