vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
AVROPA  
20:10 | 4 aprel 2022 | Bazar ertəsi Məqaləyə 621 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Amore Vero”nun hesabını kim ödəyəcək?

Fransada müsadirə edilən super yaxta təkcə sahibinə başağrısı yaratmır

MÖVZU İLƏ ƏLAQƏLİ

“La Ciotat” Gəmiqayırma zavodu Fransa Riviyerasının sakit bir guşəsindəki ağ superyaxta “Amore Vero” üçün yanalma haqları üçün hesab yazdığını, lakin onu kimə göndərəcəyini bilmədiklərini deyib.

Gömrük agentləri 86 metrlik gəmini Avropa İttifaqının Rusiyanın dövlət neft şirkəti “Rosneft”in rəhbəri İqor Seçini Ukraynada müharibəyə görə sanksiyalar siyahısına əlavə etməsindən iki gün sonra, martın 2-nə keçən gecə limandan çıxmağa hazırlaşarkən ələ keçirib.

Fransanın Maliyyə Nazirliyi bildirib ki, yaxta Rusiya prezidenti Vladimir Putinin ən köhnə müttəfiqlərindən biri olan Seçinin nəzarətində olan şirkətə məxsusdur. Nazirlik şirkətin adını çəkməkdən imtina edib. Lakin Seçin “Rosneft”in “Reuters”ə göndərdiyi bəyanatda bunu təkzib edib.

Maliyyə naziri Bruno Le Maire Fransanın “Amore Vero” gəmisini rəsmi olaraq ələ keçirdiyini bildirib. Rəsmilərin dediyinə görə, bu tədbir dövlətin yaxta üzərində nəzarətini təmin edir və xərcləri isə sahibinə qalır.

Lakin səlahiyyətlilər gəminin statusu ilə bağlı üçüncü tərəflərə məlumat verməyib və yaxtaya xidmət göstərən iki şirkət bildirib ki, onun saxlanmasına kimin cavabdeh olduğu aydın deyil.

Hesablar yığıldıqca “La Ciotat Shipyards”da bir icraçı şirkətin ödənişi necə alacağına əmin olmadığını deyib.

“Biz faktura yazmağa davam edirik”, - deyə “La Ciotat” Gəmiqayırma Zavodunun əlaqə zabiti Alis Buasso (Alis Boisseau) bildirib. Hesabı kimin ödəyəcəyini soruşulduqda, o, “biz bilmirik” deyə cavab verib. Boisseau əlavə suallara cavab verməkdən imtina edib.

Fransanın gömrük idarəsi yaxtanın statusu ilə bağlı gəmiqayırma zavodlarına niyə məlumat verilməməsi ilə bağlı şərhi cavablandırmayıb. “Amore Vero” ilə bağlı suallar hakimiyyətin Putinin müttəfiqlərinin aktivlərini hədəf alması zamanı üzləşdiyi mürəkkəbliklərə və bəzi bizneslərə qarşı pozuntulara işarə edir. Avropa İttifaqında oliqarxların maliyyə sərvətlərinə böyük ölçüdə toxunulmasa da, Avropa dövlətləri mülklər və ən azı 11 super yaxta da daxil olmaqla, fiziki aktivləri dondurub və ya həbs edib.

“Superyacht Times” saytına görə, ruslar təxminən hər 10 super yaxtadan birinə sahibdir. Sanksiyaya məruz qalan şəxslərə məxsus olan bəziləri - Roman Abramoviçin Eclipse və i Solaris kimi təhlükəsiz limanlarda saxlanılır və ya sanksiya tətbiq edən dövlətlərin yurisdiksiyasından kənardakı beynəlxalq sularda üzür.