“Kriteriyalara yetərincə cavab vermir”
Niderland və Danimarka Ukraynaya Aİ-yə namizəd ölkə statusu verilməsinə qarşıdır
MÖVZU İLƏ ƏLAQƏLİ
-
Aİ Macarıstanın “saqqızını oğurladı”
Rəsmi Budapeşt 5,8 milyard qrant qarşılığında Ukraynaya nəzərdə tutulan yardıma hə dedi
-
Aİ-nin gizli həbsxanaları
Günlərlə yeməksiz, susuz kazarmalarda saxlanılıb ...
-
Bolqarıstandan Aİ-yə etiraz
Rəsmi Sofiyanın Şengen zonasına daxil olmaqdan imtina edilməsinə reaksiyası sərt oldu
-
Zaqreb üçün böyük gün
Aİ Xorvatiyanın Şengen zonasına daxil olmasını təsdiqləyib
-
Şengen genişlənir
Xorvatiyanın üzvlüyə prəblem olmadığı halda, 1 ölkə Rumıniyanın, 2-si isə Bolqarıstanın əleyhinədir
-
“Yeni iqtisadi şoklar”
Rusiya Mərkəzi Bankı hesabat açıqladı
-
“Biz birləşmiş və güclüyük”
Avropa İttifaqı Rusiyaya 9-cu sanksiya paketini açıqladı
-
Aİ İsrail polisi ilə əməkdaşlığı dondurur
Netanyahunun qurduğu koalisiya qoca qitəni narahat edir
-
Avropada Çin polis məntəqələri
Mühacirləri izləmək və zorla ölkəyə qaytarmaq üçün fəaliyyətdə olublar
-
Avropada “çirkli pul” araşdırması
25 ölkədə keçirilən əməliyyatda 2500 nəfər həbs olunub
-
“Üzərində işləyirik”
Rusiya neft ticarətində maksimum qiymətdən istifadəni qadağan etməyə hazırlaşır
-
“Hazırda təhlillər aparırıq”
Kremldən neft qiyməti qərarına etiraz
-
İranla Aİ arasında kritik görüş
KOPE-nin son vəziyyəti və MAQATE ilə əməkdaşlıq müzakirə edilib
-
“Anlaşma Rusiyanın neft gəlirlərini azaldacaq”
Ursula von der Leyen maksimum qiymət anlaşmasını dəyərləndirdi
-
Moskvaya növbəti zərbə
Rusiya neftinə maksimum qiymət müəyyən edildi
-
Müharibə cinayətlərinə görə xüsusi məhkəmə
Aİ komissiya sədri: “Ukraynada törədilənlərin araşdırılmasına kömək edəcəyik”
Gələn həftənin sonuna Avropa Komissiyasının Ukraynaya Aİ-yə namizəd ölkə statusu verməyi rəsmən tövsiyə edəcəyi gözlənir. Bu haqda “Bloomberg” anonim mənbələrə istinadla xəbər verir. Mənbələrə görə, bu tövsiyə ilə yanaşı Ukraynaya korrupsiya ilə mübarizə və hüququn aliliyinin təminatı sahəsində şərt və tələblər irəli sürüləcək.
Agentlik qeyd edir ki, Avropa Komissiyasının tövsiyəsi vacib mərhələdir, amma statusla bağlı qərarı Aİ (Avropa İttifaqı) ölkələrinin liderləri qəbul edəcək.
***
Aİ ölkələrinin əksəriyyəti, o cümlədən Baltik ölkələri, Polşa, İtaliya Ukraynanı mənəvi baxımdan dəstəkləyir, ona statusun verilməsinin tərəfdarıdır. “Bloomberg” yazır ki, Almaniya şərti status verilməsini, müəyyən tələblərin yerinə yetirməklə bağlı vəd alınmasını istəyir. Niderland və Danimarka isə Ukraynaya bu status üçün hazır olmadığını düşünür.
Agentliyin məlumatına görə, Danimarka diplomatik notasında qeyd edir ki, Ukrayna namizəd statusunun “kriteriyalarına yetərincə cavab vermir”. Kopenhagenin mövqeyincə, Kiyevdə demokratiya təminatı verən institutların sabitliyi, hüququn aliliyi, insan haqları, azlıqlara hörmət və onların müdafiəsi sahəsində problemləri var. Sənədə görə, Ukrayna hakimiyyəti bu sahələrdə inkişafa nail olmaqdan ötrü “qanunverici və institusional bazanı təkmilləşdirməlidir”.
Ukraynaya namizəd statusunun verilməsi iyunun 23-24-də Aİ sammitində müzakirə ediləcək.
Daha öncə Avropa Parlamentinin deputatları “Rusiyanın Ukraynaya aqressiv müharibəsindən sonra” xarici siyasət və Aİ-nin təhlükəsizliyi və müdafiəsi sahəsində siyasətlə bağlı qətnamə qəbul ediblər. Sənəd Avropa Komissiyasını və Aİ Şurasını Ukraynaya Aİ-yə daxil olmaq üçün namizəd statusunu verməyə çağırır.
***
Qətnamədə “Moldova və Gürcüstanın Avropa meylləri” də qeyd olunur. Ukraynanın ardınca bu ölkələr Aİ-yə üzv olmaq üçün ərizə veriblər. Ancaq sənəddə onlara namizəd statusunun verilməsi üzrə tövsiyələr yoxdur.
Ukrayna Rusiyanın təcavüzündən dərhal sonra Aİ-yə üzv olmaq üçün müraciət edib. Mayın 9-da isə Aİ-yə anket-sorğunun ikinci hissəsi təqdim edilib. Namizəd statusunun alınması üçün bu anket doldurulmalıdır.
Fransa Prezidenti Emmanuel Makron və Almaniyanın Kansleri Olaf Şolts hesab edirlər ki, Ukraynanın Aİ-yə daxil olması illərlə çəkə bilər. İtaliyanın Baş naziri Mario Draqi isə bəyan edib ki, Aİ-nin böyük üzvləri Ukraynaya namizəd statusunun verilməsini dəstəkləmir. Almaniyanın Xarici işlər naziri Annalena Berbok Ukraynaya Aİ-yə namizəd statusunun “güzəştsiz” verilməsini tərəfdar olduğunu bildirib.