Fəallar bununla bağlı Güney Azərbaycanın müxtəlif şəhərlərində bildiriş yayaraq hər kəsi dinc və mədəni etirazlara qatılmağa çağırıblar. Bildirişdə səlahiyyətli orqanlar və müxtəlif qurumların Urmiya gölü böhranı ilə bağlı fəaliyyətlərinin yararsız və nəticəsiz olduğu vurğulanıb.
Bildirişə əsasən dinc etiraz yığıncağı sentyabrın 23-ü yerli vaxtla saat 17:00-da rəsmi orqanlar, o cümlədən Valilik və İcra Hakimiyyəti (fərmandari) binaları qarşısında təşkil olunacaq.
Bildirişdə vurğulanıb ki, «yığıncağa qatılmaq istəyən əhalinin bir neçə yerə dağılmaması üçün insanlar böyük şəhərlərdə yalnız Valilik binaları qarşısında toplaşsın, başqa yerlərdə hər hansı yığıncaq keçirilməsin».