Bunu Milli Məclisin iclasında parlamentin İctimai birliklər və dini qurumlar komitəsinin sədri Siyavuş Novruzov bildirib. Deputat qeyd edib ki, hər iki müqavilənin bağlanmasında iştirak edib və buna görə çox xoşbəxtdir.
«Bu müqavilələr imzalanan zaman bir çoxları onları röya adlandırırdı. Lakin tarix sübut etdi ki həmin şəxslərin düşüncəsi xülyadır. Onların içərisində prezidentliyə namizədlər də var idi. Tarix sübut etdi ki həmin şəxslərin düşüncəsi xülyadır. Azərbaycanın ümummilli liderinin uzaqgörən siyasəti 25 ildən sonra həmin şəxslərə başa saldı ki, atılan addımlar nə qədər düzgündür. Və vaxtında atılıb».
Siyavuş Novruzov qeyd edib ki, vaxtilə bu müqavilələri bəyənməyənlər, eyni zamanda, onun səmərəli olmamasını deyənlər arasında indi Milli Məclisdə oturanlar da var.
«Bu, özü çox yaxşı haldır, onlar başa düşdü ki, Azərbaycan hakimiyyəti düzgün addım atır. Azərbaycan prezidentinin atdığı hər addım xalqımızın mənafeyinə hesablanıb. Azərbaycan dünyada öz sözünə əməl edən, dövlət başçısı sözünün üstündə duran prezident kimi qəbul olunur və dəstəklənir. Bu gün də quruculuq abadlıq işlərinə xüsusi önəm verilir. Azərbaycanda 3 mindən artıq məktəb, zavod, fabrik, yollar, körpülər tikilib, qurulub. Bütün bunlar həmin müqavilələrin sayəsində əldə olunan maliyyə hesabına başa gəlib».