ABŞ iqtisadiyyatının 2017-ci ilin 4-cü rübü üzrə artım rəqəmi dəyişdirilib. Ticarət Nazirliyinin məlumatlarına görə, Ümumi Daxili Məhsulun (ÜDM) artımı 2.6 faizdən 2.5 faizə endirilib. Bu, proqnoza uyğundur.İqtisadiyyatın ən böyük hissəsini təşkil edən şəxsi istehlak bu dövrdə 3.8 faiz artıb, proqnoz 3.6 faiz idi. Baza PCE 4-cü rübdə proqnoza paralel olaraq 1.9 faiz artıb.
İqtisadiyyat ötən ilin 3-cü rübündə 3.2 faiz artmışdı. Aşağı istiqamətli dəyişikliyə baxmayaraq, bugünkü fakt iqtisadiyyatın 2017-ci ili güclü başa vurduğunu göstərir.
İqtisadiyyatın bu ilin ilk rübündə mövsümi təsirlərlə zəifləyəcəyi, 2018-in qalanında isə vergi gözəştləri və artan dövlət investisiyalarının təsirilə yüksəlməsi gözlənilir.
FED-in yeni sədri Cerom Pauell dünən ABŞ Konqresində təqdimatında Dekabr ayından bu yana iqtisadiyyatının gücləndiyini ifadə etmiş, bu da FED-in 2018-də 3 əvəzinə 4 dəfə faiz artıracağına dair ehtimalları qüvvətləndirmişdir.
Dollar mühüm valyutalar qarşısında bahalaşmaqda davam edir. Artıq Avro/Dollar məzənnəsi 1.22-dən də aşağı düşərək 1.2190 səviyyəsinə gəlib.
çap et