Vaxt.Az
“Polonez”in “İsgəndər”dən üstünlüyü nədədir?
Yeni silahların qüvvələr balansını dəyişməsi düşmən ciddi narahat edib
Bir neçə gün əvvəl Belarus respublikasından aldığımız polonez reaktiv yaylım atəşi sistemlərinin ordumuzun ixtiyarına verilməsi düşməni ciddi narahat edir. Çünki narahatlıq üçün səbəbləri var. Elə “Polonez”lərlə bağlı erməni KİV-in rusiyalı ekspertlərdən aldıqları cavablar da onları sevindirməyib. Rusiyanın siyasi və hərbi təhlil institutunun direktor müavini, tanınmış hərbi ekspert Aleksandr Xramçixin erməni mediasına müsahibəsində bildirib ki, istənilən tip yeni silahların alışı cənubi Qafqazda qüvvələr balansını Azərbaycanın xeyrinə pozur.Vaxt.az xezerxeber.az-a istinadən bildirir ki, Rusiyanın
siyasi və hərbi təhlil institutunun direktor müavini, tanınmış hərbi ekspert Aleksandr
Xramçixin erməni mediasına müsahibəsində belə deyib. Rusiyalı ekspertin fikrincə,
ordunu mütəmadi olaraq yeni və hər dəfəsində daha ağır, bahalı silahlarla təchiz
edən Bakı göstərir ki, müharibəyə ciddi hazırlaşır: “Azərbaycan öz hərbi
imkanlarının genişləndirir. “Polonez” sitemlərindən konkret olaraq necə istifadə
olunacağını isə taktki və strateji vəziyyət göstərəcək. Hər şey müharibənin necə
davam edəcəyindən asılıdır. Nə vaxt başlayacağından asılı olmayaraq, Dağlıq
Qarabağda hərbi əməliyyatların bərpası qaçılmazdır. Səbəb isə odur ki, münaqişə
tərəflərinin mövqeləri əvvəlki kimi yenə bir-birinə ziddir. Və bu məsələni
müharibəsiz necə həll etməyin mümkünlüyünü anlamaq olduqca çətindir”, - deyə
Xramçixin bildirib.
Rusiyalı hərbi ekspert vurğulayıb ki, Azərbaycan həm canlı
qüvvə, həm də hərbi texnika baxımından Ermənistanı üstələyir. Hətta döyüş
qabiliyyəti və keyfiyyət cəhətdən də Azərbaycan olduqca uğurlu nəticələr göstərir.
Bu mənada Xramçixin Azərbaycan hərbi hava qüvvələrinin gücünü xüsusilə
vurğulayıb.
17.06.2018 çap et