Vaxt.Az

Fonddan Qardabaniyə hədiyyə


 

Gürcüstandakı soydaşlarımıza təcili tibbi yardım avtomobili göndərildi

Fonddan Qardabaniyə hədiyyə Gürcüstanın Qardabani rayonunda yaşayan azərbaycanlılara Heydər Əliyev Fondunun hədiyyəsi olan yüksək tibbi imkanlara malik təcili tibbi yardım avtomobili təqdim edilib.

Vaxt.az bildirir ki, bu barədə “Trend”ə Diasporla İş üzrə Dövlət Komitəsindən məlumat verilib.
Hədiyyəni qonşu ölkədə rəsmi səfərdə olan Diasporla İş üzrə Dövlət Komitəsinin sədri Fuad Muradov təqdim edib.
Komitə sədri rayonda yaşayan soydaşlarımızın qayğıları ilə də maraqlanıb.
İctimaiyyət nümayəndələri göstərilən diqqət və qayğıya, hədiyyəyə görə Azərbaycan Prezidentinə, Heydər Əliyev Fondunun rəhbərliyinə minnətdarlıq ediblər.
Daha sonra Diasporla İş üzrə Dövlət Komitəsinin sədri Tbilisidə gürcü ziyalılarla görüşüb.
Görüşdə ölkələrimiz arasında əlaqələrin inkişaf perspektivləri xüsusi müzakirə mövzusu olub. Komitə sədri ölkələrimiz və xalqlarımız arasındakı möhkəm dostluq əlaqələrindən söz açıb, Azərbaycan dövlətinin, xüsusən də Prezident İlham Əliyevin Gürcüstan ilə əlaqələrə böyük önəm verdiyini qeyd edib. Bildirilib ki, əlaqələrimizin və əməkdaşlığımızın möhkəmlənməsi və inkişafı üçün geniş imkanlar mövcuddur. Görüşün məqsədi də gürcü ziyalılarla görüşüb, onların bu məsələlərdə fikirlərini öyrənmək olub.
Müzakirə zamanı gürcü politoloqların, jurnalist və alimlərin fikir və təklifləri dinlənilib. Görüşdə Azərbaycanın Gürcüstandakı səfiri Dursun Həsənov, SOCAR-ın Gürcüstan nümayəndəliyinin rəhbəri Mahir Məmmədov və digər şəxslər iştirak ediblər.

 





17.06.2018    çap et  çap et