Vaxt.Az

Qlobal neft hasilatı azalıb


 

2019-da qara qızıla tələbat artacaq

Qlobal neft hasilatı azalıb Qlobal neft hasilatı fevralda əvvəlki ayla müqayisədə gündəlik 340 min barel azalaraq təxminən 99 milyon 750 minə enib.

Amerika Birləşmiş Ştatları Beynəlxalq Enerji Agentliyinin (EİA) aylıq neft bazarı hesabatına görə, Neft İxrac Edən Ölkələr Təşkilatının (OPEC) xam neft istehsalı gündəlik 240 min barel azalaraq 30 milyon 680 min olub.

Xam neft xaricindəki digər OPEC hasilatı isə sutkada 5 milyon 570 min barel olub. Beləliklə, OPEC-in ümumi neft hasilatı gündəlik 36 milyon 250 min barel təşkil edib.

Fevralda OPEC daxilində gündəlik ən çox istehsal artımı İranda olub. İranda gündəlik hasilat 20 min barel artımla 2 milyon 740 minə qalxıb.

Hesabata görə, ötən ay OPEC daxilində istehsal ən çox  Səudiyyə Ərəbistanı və Venesuelada azalıb. Səudiyyə Ərəbistanının gündəlik neft hasilatı 100 min barel azalaraq 10 milyon 140 min, Venesuelanın gündəlik hasilatı da 100 min barel azalaraq 1 milyon 140 min barelə enib.

OPEC-ə üzv olmayan ölkələrin neft hasilatı isə 100 min barel azalaraq, bütövlükdə gündəlik 63 milyon 500 min barel olub.

Beləliklə, qlobal neft hasilatı fevralda əvvəlki ayla müqayisədə gündəlik 340 min barel azalaraq 99 milyon 750 min barelə enib.

Hesabata görə, qlobal neft tələbinin bu il gündəlik orta hesabla 1 milyon 400 min barel artımla 100 milyon 600 minə yüksələcəyi proqnozlaşdırılır.

 





16.03.2019    çap et  çap et