Vaxt.Az

İspaniya da rusları qovur


 

25 diplomat və səfirlik işçisinin ölkədən çıxarılacağı bildirilir

İspaniya da rusları qovur İspaniyanın xarici işlər naziri Xose Manuel Albares Rusiya qoşunlarının Ukraynada törətdiyi iddia edilən hərbi cinayətlərə cavab olaraq, digər Avropa İttifaqı ölkələrinə qoşularaq, Rusiyanın təxminən 25 diplomatını və səfirlik işçisini Madriddən çıxaracağını bildirib.

“Biz Rusiyanın İspaniyadakı səfirliyindən ölkəmizin maraqlarına və təhlükəsizliyinə təhlükə yaradan diplomatları və əməkdaşlarını çıxarmaq qərarına gəldik”, Nazirlər Kabinetinin həftəlik iclasından sonra Albares əlavə tədbirləri istisna etmədən deyib.

Nazir diplomatların ölkədən şıxarılmasının həmçinin Buçada kütləvi məzarlıqların tapılması və dinc sakinlərin öldürülməsini nəzərdə tutaraq, “son günlər Ukraynada, xüsusən də Buçada törədilən və bu gün Mariupoldan xəbər verildiyi dəhşətli əməllərə” cavab olduğunu deyib.

“Cinayətlər cəzasız qala bilməz” deyib nazir.

Rusiya Buçada mülki əhalinin öldürüldüyünü təkzib edib.

İtaliya, İsveç və Danimarka çərşənbə axşamı səhər oxşar addımlar atdığını elan edib.

Albares deyib ki, onun hökuməti buna cavab olaraq Rusiyanın eyni sayda ispan diplomatını ölkədən çıxaracağını gözləyir.

Bununla belə, o, Madridin Moskvada öz səfirini saxlamaq və müharibəni dayandırmaq üçün Rusiya ilə diplomatik kanalları açıq saxlamaq üçün İspaniyanın Rusiyanın səfirini ölkədən çıxarmayacağını bildirib.

 





06.04.2022    çap et  çap et