İnsan haqları üzrə fəaliyyət göstərən HRA agentliyinə istinadən, Əkbər Hüseyni hərbi məhkəmə tərəfindən “nizama qarşı təbliğat fəaliyyəti göstərmək” ittihamından 4 ay, “nizama müxalif qruplaşmalara üzv olmaq” ittihamından isə 9 ay həbsə məhkum edilmişdi.
Əslən Şərqi Azərbaycan vilayətinin Mərənd şəhərindən olan Mir Əkbər Hüseyni HRA agentliyinin xəbərinə görə, təqribən bir həftə əvvəl sərbəst buraxılıb.
O daha əvvəl həbs müddəti başa çatmadan şərti azadlığa buraxılmış, ancaq bir neçə ay öncə yenidən həbs edilmişdi.
Agentliyin bildirdiyinə görə, Hüseyni 2019-cu ilin noyabr ayında artan benzin qiymətinə qarşı etirazlarla əlaqədar mühakimə edilən müttəhimlərə yardım etdiyi üçün 2021-ci ilin yanvar ayında saxlanılmışdı. Onun həbsdə olduğu günlərdə məmurlar tərəfindən döyüldüyünə dair xəbərlər yayılmışdı.