ABŞ-ın Azərbaycandakı səfirliyi bildirib ki, səfir Litzenberger Müdafiə Departamentinin Azərbaycanla təhlükəsizlik əməkdaşlığını müzakirə etmək üçün ABŞ-ın Avropa Komandanlığının Birgə İdarələrarası Mübarizə Mərkəzinin nümayəndə heyətini Bakıda qarşılayıb. Səfirliyin yaydığı məlumatda o da bildirilib ki, ABŞ səfirliyi Xəzər dənizində dəniz təhlükəsizliyini gücləndirmək və sərhədlər boyunca narkotik alverçilərinə qarşı tədbirlər görmək məqsədilə Azərbaycanın tərəfdaşı olmaqdan qürur duyur.ABŞ Azərbaycanın Gömrük və Sərhəd Xidmətiylə uzun illərdir əməkdaşlıq edir, dövlət strukturlarımızı müxtəlif avadanlıqlarla təchiz edir. Əsas məqsəd sərhəddə Azərbaycanın narkotik alverçilərinə qarşı mübarizəsini gücləndirməsidir. Azərbaycana qonşu olan ölkələrdən sərhəddən narkotik yalnız bir ölkədən – İrandan keçir. Elə ABŞ heyətinin Bakıya gəldiyi gün İranla sərhəddə yenə də narkotik alverçilərlə silahlı insident baş verib. Külli miqdarda narkotikin İrandan Azərbaycana keçirilməsinin qarşısı alınıb.
İran hər zaman üçüncü ölkələrin Xəzərdə fəallığının əleyhinə olub. Ancaq Amerika Azərbaycan sərhədinin daha yaxşı qorunması və narkotik qaçaqmalçıları ilə mübarizə məqsədilə Bakıya gərəkli avadanlıqlar verirsə, Tehran hansı məntiqlə bunun əleyhinə çıxa bilər?
çap et