Lekler yenə pouldadır. İlk cəhdində son döngədə yerində fırlandı və bu mənə 2004-cü il Çində Şumaxerin sıralanma turunda poula gedərkən son döngədə yerində fırlanmasını xatırlatdı. Yenə də geridönüşü möhtəşəm idi.
Bu trasda 31 yarış olub və 28-də ilk cərgədən başlayan qazanıb. Son dəfə İlk cərgədən başlamayıb, qazanan son pilot 2016-cı ildəki İspaniya Qran-prisində Maks Ferstappen olub. Özü də “Ferrari”də. İndi isə başqa bir ispan Karlos Sayns yarışa 3-cü yerdən başlayır və o da “Ferrari” sürür. Tarix təkrarlanacaqmı?
Maks Ferstappen yarışa ikinci yerdən başlayacaq. Bu trasda startda uzun düzlük var. Cüt yerdən başlayanlar daxili trayektoriyadadır və buna görə startda yaxşı momentum tutanda yer qazana bilirsən. Məsələn, 2011 və 2012-də Alonso, keçən il Ferstappen cüt yerlərdən başlayıb liderliyə yüksəlmişdilər. Amma sonda qələbə qazana bilməmişdilər. O ayrı məsələ.
Corc Rassel isə növbəti dəfə Hamiltonu qabaqladı. Adam sanki “Hammer”i metalloma göndərəcəyinə and içib…
Peres isə döngə pilotu olmadığını göstərdi.
çap et