İyunun 8-i səhər saatlarında İranda qatarın relsdən çıxması nəticəsində ağır qəza baş verib və onlarla nəfər ölüb və yaralanıb.
Məlumata görə, Məşhəd-Yəzd qatarının 5 vaqonu Abbasabad bölgəsində relsdən çıxıb.
Nəticədə 13 nəfər ölüb, 50 nəfər ağır bədən xəsarətləri alıb.
Yəzd əyalətinin Böhran İdarəetmə Mərkəzinin başçısı Məhəmmədəli Məlikzadə mediaya verdiyi açıqlamada yaralılarının 16-nın durumunun ağır olduğunu və 4 nəfərin itkin düşdüyünü bildirib.
O, qəza baş verən bölgədə nəqliyyatın hərəkətinin çətinləşdiyini, bu üzdən xilasetmə işlərinin vaxt apardığını və hadisə yerinə 3 helikopterin cəlb olunduğunu deyib.
çap et