Vaxt.Az

İran mollası Bağırzadəni ifşa etdi


 

Əraqi həbsdəki əlaltısına görə Bakını hədələyərkən sərxoş olub?

İran mollası Bağırzadəni ifşa etdi İranda Sistemin Məsləhətini Müəyyənləşdirən Təşkilatının üzvü Mahmud Məhəmmədi Əraqi Azərbaycan Respublikasına qarşı təhdid dolu bəyanat yayıb. O, Bağırzadə və onun həbsdəki cinayət ortaqlarını özünün dostu adlandırıb və onların həbsdən buraxılmasını istəyib.

“Onlar islam dünyasının başqa bir bölgəsində olsalar da, əslində Qum şəhəri və İrana aid olduqları üçün müsəlman ümməti onlara qarşı həssasdır”, – deyə, Əraqi həbs olunanların Qum mərkəzi və İran hökumətinə bağlı olduqlarını etiraf edib.

Mahmud Məhəmmədi Əraqi bəyanatının sonunda Azərbaycan Respublikasını “öz səhvlərini düzəltməyə” çağırıb.

Özəlliklə İran İnqilab Keşikçiləri Korpusunun mediasında daha geniş yayılan bəyanatdan sonra radikal dini kəsim və panfarsist qruplar Azərbaycana qarşı çox sayda təhdid mesajları yazıblar.

Onlar köhnə iddiaları bir daha təkrar edərək Azərbaycan Respublikasını İsrailin sonuncu əyaləti adlandırıb və Tehran hökumətinin sərt tədbirlər görməsini istəyiblər. 

Qeyd edək ki, Mahmud Məhəmmədi Əraqi “Sistemin Məsləhətini Müəyyənləşdirən Təşkilati”, “Ekspertlər Məclisi”, “Mədəni İnqilab Ali Şurası” və “Mübariz Ruhanilər Cəmiyyəti”nin üzvüdür.

O və o statusda olan şəxslərin bəyanatları Əli Xameneyinin və İran hökumətinin mövqeyini əks etdirir.

 





25.06.2022    çap et  çap et