Vaxt.Az

İran xoş niyyətə görə şərt qoyur


 

Xameneyinin müşaviri Azərbaycana qarşı ittihamlar səsləndirib

İran xoş niyyətə görə şərt qoyur İranın ali lideri Əli Xameneyinin ali müşaviri Əliəkbər Vilayəti bir daha Azərbaycan Respublikasının daxili işlərinə qarışaraq, Azərbaycan-İsrail əlaqələrini tənqid edib.

“Bizim onlarla yolumuzun ayrılmasının səbəbi Azərbaycanın İsraillə olan əlaqələridir”, – deyə Vilayəti “Təsnim” xəbər agentliyinə müsahibəsində  bildirib.

O, Azərbaycanla xoş niyyətli münasibətdə olmaq istədiklərini iddia etsə də, buna görə şərt qoyub.

“Biz müsəlman ölkələrin İsraillə münasibət qurmalarını qəbul edə bilmərik. İsraillə əlaqədə olan ölkə bir o qədər də bizdən uzaq sayılır”, – deyə Xameneyinin müşaviri qeyd edib.

Bundan öncə İran rəsmilərinin çox sayda oxşar bəyanatları səslənib və onlar Azərbaycanla İsrail münasibətlərinin yaxınlığından narahatlıqlarını ifadə ediblər.

“Biz başqalarına Azərbaycanın daxili və xarici işlərinə qarışmasına imkan vermirik, burada hansı ölkə ilə münasibət və əməkdaşlıq etmək barədə özümüz qərar veririk”, – deyə Prezident İlham Əliyev İsraillə əlaqələrə görə səsləndirilən bəyanatlara cavab olaraq bildirmişdi.

 





28.06.2022    çap et  çap et