Yenə “Red Bull” Rinq və yenə də ilk cərgədə Ferstappen və Lekler var. Üç il əvvəl də ikisi burada ilk cərgədə idi, amma tam əksinə. Daha sonra qazanan Ferstappen olmuşdu. Bəs bu dəfə Lekler bacaracaq? Qısa sprint yarışında yaxşı start alsa, niyə də yox?
Ferstappen “Red Bull” Rinqdə başqa səviyyədə sürür. Artıq qısa karyerasında burada 4 qələbəsi var. Sabah da yarışın əsas favoritidir. Məncə, problem yaşamasa, rahatlıqla beşinci qələbəsi gələcək.
“Ferrari”lər isə bir-birlərinə yaxın oldular. Karlos Sayns komandanın yeni lideri olmaq istəyir. Sabah işdir, yarışı Leklerin önündə bitirsə, artıq yavaş-yavaş komandanı arxasına ala bilər.
“Mercedes”lərə gəldikdə isə… Bəlkə də, qələbə şansları olan yerdə dubl qəza etdilər. Sabah sprint yarışına rəng qatacaqlar.
çap et