Urmiya gölünün quruması ilə yaranacaq ekoloji fəlakətə diqqət çəkmək və hökumətin laqeyd münasibətinə etiraz olaraq iyulun 16-da Güney Azərbaycanda aksiyalar keçiriləcək. Hakimiyyət orqanları aksiyanın təşkilatçılarına və milli fəallara qarşı təzyiqləri gücləndirib.Milli fəalların verdiyi məlumata görə, iyulun 12-dən başlayaraq milli-mədəni fəallar İran Təhlükəsizlik və Kəşfiyyat Nazirliyinin Təbriz bölməsinə çağırılır.
Nazirlikdə milli fəallardan tələb edilir ki, 16 iyulda keçiriləcək aksiyalara qatılmasınlar.
Sənətçi, jurnalist və sosial media fəalları Təhlükəsizlik və Kəşfiyyat Nazirliyinin bölmələrindən biri olan “Mənəvi Təhlükəsizlik İdarəsi”nə də çağırılırlar.
İdarədə onlardan Urmiya gölü və keçiriləcək aksiya ilə bağlı məlumat paylaşmamaları istənilib və bununla bağlı onlardan yazılı öhdəlik alınıb.
çap et