Partlayışa qaz balonunun səbəb olduğu ehtimal olunur.
Rəsmilər deyib ki, dağıntılar arasında sağ qalanları axtarışı davam edir. Bölgə prokurorluğu partlayışla bağlı istintaq başladıb. İstintaq Komitəsində ehtiyatsızlıqdan insan ölümünə və əmlaka ziyana görə cinayət işi açılıb.
Saxalinin qubernatoru Valeri Limarenko “Telegram” kanalında, binada yaşadığı bilinən təxminən 33 nəfərin itkin sayılması barədə yazıb.
Qubernatorun sözlərinə görə, partlayışdan zərər çəkən sakinlərə müvəqqəti sığınacaq verilib. Evlərini itirən ailələrə 500 min rubl (8217 dollar) təzminat ödənəcək. Limarenko deyib ki, bundan başqa ölən insanların qohumlarına 1 milyon rubl (16 434 dollar) veriləcək.