Bəli, tam hesab zamanıdır!Qardaş Türkiyə Silahlı Qüvvələrinin bu gün sübh çağı eyni vaxtda həm İraqın, həm də Suriyanın şimalında keçirdiyi “Pəncə-Qılınc” xüsusi antiterror əməliyyatı nəticəsində 89 hədəf və çoxlu sayda terrorçu məhv edilib.
Türkiyə Milli Müdafiə Nazirliyi məlumatında bildirilir ki, birinci mərhələdə terrorçulara məxsus sığınacaqlar, bunkerlər, mağaralar, tunellər, silah-sursat anbarları və təlim düşərgələrindən ibarət ümumilikdə 89 hədəf ilk mərhələdə məhv edilib, çoxlu sayda PKK-YPG terrorçuları zərərsizləşdirilib.
Əməliyyat uğurla davam edir.
Bu əməliyyat hər zaman türkə qarşı düşmənçiliyi ilə seçilən Yunanıstanın da canına vəlvələ salıb. Belə ki, Türkiyənin bombardmançı təyyarələrinin hava-zərbə əməliyyatına dair gəlişmələr, xəbərlər az qala anbaan yunan mediası tərəfindən izlənilib və geniş işıqlandırılıb.
Həmçinin İsraildən tutmuş İngiltərəyə qədər bir çox dost ölkələrin mətbuatı da bu gün “Pəncə-Qılınc” əməliyyatı barədə xəbərləri manşetlərə çıxarıb.
Günün birində şanlı Azərbaycan Ordusu da Xankəndidə separatçı tör-töküntülərinə, erməni terrorçularına qarşı bu cür uğurlu əməliyyata imza ata bilər.
Odur ki, bütün separatçılar və terrorçular vaxt var ikən Xankəndini tərk edib, Ermənistana və gəldikləri xarici ölkələrə rədd olsunlar!
çap et