İslam İnqilabının Keşikçiləri Korpusunun Aerokosmik Qüvvələrinin komandanı Əmir Əli Hacızadə noyabrın 27-də İranda son iki ay yarımda baş verən kütləvi etirazlar zamanı “300-dən çox insanın” öldürüldüyünü təsdiqləyib.
Beləliklə, SEPAH generalı ölənlərin sayını qeyd edən İran İslam Respublikasının ilk rəsmi və yüksək səviyyəli hərbi rəsmisidir.
Qeyd edək ki, İranın bütün 31 əyalətində 150-dən çox şəhərdə və 140 universitetdə keçirilən 11 həftəlik ümummilli etirazlar zamanı yüzlərlə insan həlak olub, lakin indiyədək hökumətin heç bir siyasi və ya hərbi rəsmisi bu ölümlərə işarə etməyib.
çap et